譚詠麟Final綵排只瞓四個鐘 腦內不停度橋求完美
節目組全程貼身追蹤校長來到紅館進行Final綵排，揭露了他極度投入的一面。校長坦言為了個唱，精神長期處於繃緊狀態：「其實我瞓四個鐘就足夠，但今次唔係話就咁瞓，因為要不停排練，個腦不停去諗。」儘管休息不足，但校長一上到台便狀態大勇，一口氣輕鬆唱出《傲骨》、《MAGGIE》、《幻影》等經典金曲，表現非常專業。
黃日華張兆輝林文龍夫婦現身 巨星拱照迫爆後台
今集節目另一高潮，是校長一班圈中好友驚喜現身後台支持。現場星光熠熠，包括黃日華、張兆輝、林文龍與郭可盈夫婦、洪天明與周家蔚夫婦等，眾人一見到校長即上前擁抱打氣，令原本緊張的後台氣氛變得相當溫馨熱鬧。一眾巨星好友齊聚，足見校長在圈中的好人緣。
好友齊點歌掀集體回憶：「校長你真係好多fans！」
一班好友難得聚首，更即場變身小粉絲，齊齊向校長點歌，歌單包括《黃金十年》、《曾經》、《痴心的廢墟》等金曲，瞬間掀起全場集體回憶。談起校長的經典作品，眾星都感觸良多，紛紛表示：「校長唱每一首歌都畀到我哋好多回憶。」黃日華等人更向校長打氣：「校長你真係好多 fans 㗎，一定要繼續唱落去。」林文龍亦感性地說：「成長階段好回味呢樣嘢。」
網民感動洗版：「呢啲友情先係真！」
節目預告播出後，這段充滿情懷的後台片段引發網民洗版式討論。大批網民表示被他們的友情所感動：「見到黃日華同張兆輝，成個回憶返晒嚟！」、「呢啲友情先係真！唔係齋講！」不少人亦對好友們的說話深有共鳴：「校長啲歌真係陪住我哋大，佢哋講中晒心聲！」更有粉絲留言希望：「好想睇佢哋喺台上一齊合唱！」
