曾展望見「巨型曱甴」嚇到花容失色
今集江美儀、曾展望（GM）及張振朗要挑戰的，是外型極似「巨型曱甴」的「大王具足蟲」拉麵。在未見到大王具足蟲的真身前，GM已經被嚇到不行，接連露出「極致痛苦」的表情，更驚到瘋狂大叫：「正常人唔會食。」身旁的美儀姐見狀即時搞笑反擊：「即係而家我哋唔正常啊？」兩人的互動非常爆笑。當廚師將原隻大王具足蟲端到三人面前時，GM再度陷入極度不安，面容扭曲。
取卵環節勁衝擊 江美儀張振朗試食後反應逆轉
最震撼的莫過於「取卵環節」，GM睇到皺眉兼扁嘴，擺出極之嫌棄的表情，更直呼大王具足蟲氣場太強：「佢好壓場。」不過，食物的外表絕對不能作準，美儀姐和振朗在試食後，竟然迎來意想不到的驚喜，兩人好食到露出極度享受的表情，大讚：「好鮮呀！」、「好好味呀！」、「啲肉係好鮮」。至於蟲卵的口感，美儀姐食到Lam Lam脷，但振朗則覺得太腥而不太喜愛，美儀姐見狀即搞笑調戲振朗：「打個卵（輪）先啦！」，場面相當逗趣。
網民熱議畫面太震撼 GM最終食唔食成焦點
節目預告一出，網民反應極為熱烈，紛紛對主持們的反應表示爆笑。不少網民留言指GM的反應非常真實：「睇到GM個樣我笑到噴飯！完全係我本人反應！」、「隔住個mon都feel到陣味！」亦有網民大讚江美儀夠大膽：「美儀姐真係膽生毛，食蟲卵眼都唔眨下，好佩服！」、「呢間拉麵喺邊度？睇完美儀姐個樣好想去試下！」至於GM最後能否克服恐懼，成為網民最關心的焦點：「成集最想知就係GM最後有冇食到，個樣痛苦到咁！」
