葉師傅揭秘惡魔雞煲掛汁關鍵
節目中所見，熱騰騰的雞煲一上桌已香氣撲鼻，大廚葉世昌解釋其吸引之處在於醬汁的處理。他指出：「雞煲嘅汁做到掛汁，嗰汁收得恰到好處，啱啱好可以掛到喺雞肉度，食落去啲汁包住雞肉。」葉師傅更透露，雞肉之所以能保持飽滿多汁，秘訣在於炒完後再以慢火煲熟，令每一啖都充滿肉汁，口感極佳。
波波激讚Fusion刺身 雞煲暗藏爽口雞腎厚身花膠
雞煲的驚喜不止於此，原來鍋內更是內有乾坤，藏有雞腎和魚鰾等配料。葉師傅指雞腎做到爽口而不韌，全因每日由雞場新鮮直送。他更補充：「魚鰾即係我哋平時食嘅花膠，呢度用嘅係江團魚，大大塊厚身入味。」而同場的黃婧靈（波波）則對開胃菜生醃三文魚刺身情有獨鍾，大讚非常開胃，更形容：「三文魚刺身係日本嘢，加埋用泰國、潮州嘅醬料撈成，好有有 Fusion 感覺。」
食完雞煲再打邊爐 必試罕見牛胸爽
一鍋兩食是雞煲的精髓，食完惹味的雞件後，只要加上上湯，隨即變身火鍋繼續作戰。店家提供的牛魔王拼盤同樣是焦點所在，當中連市面上較少吃到的牛胸爽都有提供，口感獨特，讓葉師傅和波波都大讚就算山長水遠來到元朗都值回票價。
網民睇到流口水：「今晚即刻去食！」
節目播出後，不少觀眾都表示被惡魔雞煲深深吸引，紛紛留言表示要組團去元朗朝聖。有網民留言：「睇到半夜肚都餓埋，個汁掛住啲雞肉真係好邪惡！」、亦有網民表示：「估唔到雞煲入面有花膠，好足料喎！」、「波波個樣食得好滋味，睇到我都流晒口水！」、更有心急的觀眾說：「今晚收工即刻衝去食！」
