張與辰蔡景行突襲人龍店 試食炸雞停唔到口
今晚（24日）張與辰與蔡景行（行仔）殺到尖沙嘴山林道一間韓式炸雞店，該店大有來頭，由韓國人主理，是第一代登陸香港的炸雞店，當年更是人龍店，等閒要排隊一小時才能入座。二人分別點了蜂蜜蒜蓉及青辣椒蛋黃醬配洋蔥口味炸雞，再追加玫瑰醬炒年糕。與辰認為出色的炸雞，醬汁味道不能過濃，而且淋上醬料後雞皮依然要脆口。當他試食第一口後，立即七情上面，模仿《食神》的家燕姐上身，高喊：「好攞命喎，真係攞咗我條命，以後點食（其他），食唔返點算？」場面搞笑，而對於微辣的炒年糕，他更是食到停不到口。
韓國老闆親自解畫 揭180度油溫鎖肉汁秘技
單純品嚐美食已滿足不到張與辰和行仔，他們此行的重點任務是要揭開此店炸雞皮脆肉嫩的終極秘密，於是大膽直闖後廚禁地，向老闆李先生偷師。沒想到李老闆亦毫不保留，大方公開獨門秘技，他以英語詳細解釋：「重點是油溫要180 度才落鑊，高溫可以快速鎖住肉汁。」原來高溫油炸就是鎖住肉汁的關鍵！與辰聽罷更即學即試，在老闆指導下親手炸雞，最終成功做出外皮香脆、內裡鮮嫩多汁的完美炸雞。
自爆一星期食足三日 炸雞係獎品又係安慰獎
張與辰對炸雞的熱愛絕對不是說笑，他坦言雖然油炸食物對歌手聲線或有影響，但他一於懶理，更向鏡頭深情剖白：「炸雞對我嚟講係我嘅本命，亦好似一個獎品，開心時食係慰勞自己；唔開心時食係安慰獎。」他笑言自己最瘋狂的紀錄是試過一個星期內食足三日炸雞，而且每次都必定會將所有炸雞一件不留地吃光，可見他對炸雞的愛已達到狂熱程度，難怪會為了偷師而直闖廚房。
網民睇到流口水 大讚與辰夠貼地
節目播出後，不少網民表示完全感受到張與辰對炸雞的熱愛，紛紛留言表示肚餓。有網民笑言：「睇到半夜肚都餓埋，好想即刻叫炸雞！」、「與辰個食神樣好搞笑，完全係真情流露！」亦有食客認出該店：「呢間炸雞店我食過，真係好好食，排隊都值得。」更有粉絲大讚：「估唔到佢唱歌叻，食嘢都咁有研究，好貼地。」、「180度！學到嘢，今晚就試下！」
