樊亦敏試食出動兩大法寶 幟哥寸爆：唔做你生意
在節目中，樊亦敏分享她獨特的試食習慣，竟然會隨身攜帶探熱槍和電子磅。她解釋道：「睇吓個餸嚟到夠唔夠熱」，以及「會秤吓外賣同堂食係咪一樣。」其後她給予其中一間食店「Bye」，原因竟是她即場為咕嚕肉「磅重」後，發現外賣份量比堂食大。此舉令身旁的幟哥忍不住笑著吐槽：「咁麻煩，我唔做你生意呀！食餐飯又磅又探熱針，唉！唔好搞我。」林秀怡見狀即刻勸交：「冷靜啲。」三人互動笑翻全場。
陳豪解構「初戀咕嚕肉」 爛Gag搓戀論笑爆全場
眼見現場氣氛因評分而變得緊張，陳豪隨即發揮其搞笑本色。當眾人討論廣州得獎菜式「初戀咕嚕肉」的菜名是否貼切時，陳豪突然發表「偉論」，對「初戀」作出全新解讀：「初戀嘅意思即係咩呢？即係『搓』呀，好鍾意搓咪『搓戀（初戀）』囉！」他更邊說邊生動地做出「搓」的動作，這個出其不意的爛Gag成功引得全場拍掌大笑，瞬間化解了緊張氣氛。
陳浚霆急才Gag獲激讚 「高級Gag」化解尷尬
除了陳豪，陳浚霆亦展現其過人急才。當評審黃隆滔分享自己光顧某食店兩次，第一次因大廚外出比賽只能吃到咕嚕蝦，第二次才成功吃到咕嚕肉時，另一評審西Dorsi則笑言自己光顧時「完全冇蝦，淨係得肉。」場面略帶尷尬之際，陳浚霆馬上接話：「佢唔想侮（冇）辱（肉）你，所以咪畀啲肉你囉！」這個食字Gag引得全場捧腹大笑，林秀怡更激讚這是「高級Gag」！
網民大讚互動夠真：「呢啲先好笑！」
節目中的搞笑互動引來網民熱議，不少觀眾都大讚主持與嘉賓之間的化學作用。有網民留言：「樊亦敏真係好專業，但幟哥反應笑死！」、「陳豪啲爛gag雖然爛，但真係好有佢嘅風格！」、「陳浚霆轉數好快，個『侮辱』gag好絕！」、「成班人化學作用好好，睇佢哋鬥嘴仲好笑過食嘢！」、「呢啲先係真人騷，夠真夠貼地！」
