天橋底4分鐘獨白戲 張曦雯心碎告白吳卓羲
昨晚劇情焦點，絕對是張曦雯的演技大晒冷！她飾演的Kate得悉孝君（吳卓羲飾）與Alice（高海寧飾）出軌後，內心極度破碎，更狠心企圖撞死Alice以「殺人救老公」。在天橋底與孝君對質的一場戲，長達4分鐘的獨白盡顯其躍進的演技。為了成為孝君背後的女人，Kate多年來壞事做盡，即使被背叛，仍賭上自己的人生去保護對方，整個獨白過程由委屈、心酸，逐步走向崩潰，層次感十足，看得網民相當肉緊。
張曦雯金句連發「我咩都可以畀晒你」
在這場戲中，張曦雯先是委屈地向吳卓羲哭訴：「其實你有冇喺我嘅角度出發過？我係你老婆，我有啲嘢唔可以唔做」、「我認呀，我真係好憎Alice，但我撞佢，係因為佢要脅你，我冇其他方法呀，我唯有令佢消失，我先可以幫到你」。她剖白自己卑微的愛情觀，表示：「我喺老公同曾經嘅朋友之間，我一定揀你，我咩都可以畀晒你，我連我個人生都可以攞出去賭成全你，呢個係我唯一可以保護你嘅方法。」憶述起成功嫁給孝君時，她更一度展露甜笑，與之後的崩潰形成強烈對比。
吳卓羲一句「自首」張曦雯絕望崩潰
當Kate一字一淚地訴說著多年的犧牲後，孝君雖然同樣喊到眼淚鼻涕，但天性正直的他，第一時間竟是叫Kate去自首。聽到「自首」二字，Kate徹底心碎，仰天絕望一笑：「哈，其實我打電話叫得你嚟，我一早知答案，我太清楚你喇。」她最後的希望被親手摧毀，崩潰痛哭：「但我都有一絲奢望，我好想好想你同我講你唔會畀我有事，我真係太傻。」除了悲情戲，張曦雯在前晚一集向老公發脾氣後，翌日又變回卑微小女人的反差演出，同樣令觀眾印象深刻。
網民洗版式激讚「單憑眼神已是真愛」
張曦雯這次的演出獲得網民一面倒的讚賞，不少人認為是她從演以來最出色的一次，成功將角色的高冷、卑微與瘋狂立體地呈現。網民紛紛留言洗版：「單憑眼神，已看得出是真愛。」、「《璀璨》是Kelly從演以來演得最好一次。」、「怎麼愛得這樣傻，睇到好心痛！」、「佢由委屈到甜笑再到絕望，個層次做得好好！」、「呢場戲絕對係演技大爆發，值得拎獎！」。
