宋宛穎盧映彤未玩先喊 嚇到爆喊：真係好驚
今集節目中，MYNT六位美少女將挑戰膽量極限。面對離地幾十層樓高的刺激體驗，倪樂琳（Ellyn）、盧映彤（Skylar）及宋宛穎（Sabrina）嗌得最大聲兼嚇到爆喊。當中Sabrina及Skylar更未玩先喊，Sabrina坦言：「我望住下面十層樓高，其實真係好驚」，Skylar亦崩潰表示：「一上到去眼淚已經飆出嚟」、「個腦已經影響所有嘢，乜嘢都望唔到」、「感覺到自己左搖右擺」。Sabrina更一度想放棄，直言：「敢於認輸也是一種美德」。
莊子璇霸氣挑戰高空跳躍 喬美莎大叫意猶未盡
相對於隊友們的恐懼，莊子璇（Hilary）則顯得超勇敢，在「高空跳躍」環節中，她霸氣表示：「我擘大隻手跳咗落去。」，展現驚人膽量。而另一成員喬美莎（Chelsea）雖然同樣尖叫，但玩完後卻極度興奮，更大叫表示意猶未盡，與嚇到花容失色的隊友形成強烈反差。至於其他成員最終有否鼓起勇氣挑戰，則要留待節目揭曉。
網民佩服眾人勇氣：睇見都腳軟
節目預告中驚險刺激的畫面，讓網民看得膽戰心驚，紛紛留言表示佩服。有網民說：「338米！淨係睇字都覺得驚，佢哋好有勇氣！」、「Sabrina同Skylar喊得出都好正常，我一定唔敢玩！」、「Hilary真係好大膽，擘大隻手跳落去，太型啦！」、「睇見都腳軟，好想睇下Matthew有冇玩！」、「呢集刺激感爆燈，一定好好睇！」。
