樊少皇憶述2歲半地獄式訓練 鵝毛大雪下苦練翻筋斗
樊少皇在節目中喬裝成掃地僧出場，分享自己的練功血淚史。由於爸爸是著名邵氏武打明星樊梅生，他早在兩歲半左右便開始接受嚴格訓練。他憶述：「佢搵條繩綁住個乒乓波係咁叫我踢，踢到個波跌咗，佢就會：『好嘢喎！仔』，跟住再（將個乒乓波）攞高啲。」除了傳統武術，連京劇的筋斗也不放過。最令他印象深刻的畫面，是在公園的石板地上翻筋斗，他坦言：「真係撞到手掌損晒，好辛苦嘅，跟住又落鵝毛大雪，好大片雪飄落嚟。」艱苦的童年經歷，為他日後的武打生涯奠下基礎。
樊少皇成年後仍被嚴父監控 陳浩民宵夜約會慘被拒
父親樊梅生的嚴格管教，並未因樊少皇長大成人而停止。他爆笑分享，即使成年後，練功時父親依然會在旁監督。樊少皇憶述：「有日『段譽』（陳浩民）打嚟叫我出去食宵夜，我話我練緊功，佢仲問：『你拍緊咩戲』」，他只好無奈回應：「『唔係，我真係練緊功，我阿爸喺度睇住呀』。」這段趣事讓在場嘉賓哭笑不得，也足見其父對他練功的要求是何等執著，完全不敢鬆懈。
網民聽完勁心酸：「虎爸無犬子！」
樊少皇的童年經歷曝光後，引來網民熱烈討論，不少人對其經歷感到心痛，但同時也佩服他的毅力。網民紛紛留言：「兩歲半就要咁樣練功，真係好慘！」「難怪樊少皇身手咁好，原來係由細打好個底！」「爸爸雖然嚴格，但都係為個仔好。」「鵝毛大雪練功，諗起都覺得凍！好佩服佢嘅毅力。」更有網民感嘆：「虎爸無犬子，樊梅生真係用心良苦！」
