王菲黃嘉雯劇照曝光 蛇腰鬥長腿極吸睛
今日劇組搶先發布了兩位港姐級小花王菲及黃嘉雯的劇照，為劇集預熱。在劇中飾演馬貫東女友、兼靚女瑜伽導師施美寧的王菲，將有大量教做瑜伽的場口。從官方發布的劇照可見，王菲身形Keep得相當弗，穿上瑜伽服後，其零贅肉的蛇腰及堅挺臀部表露無遺，線條極為吸睛！至於在首個單元《人肉三餸飯》中飾演核心角色阮碧鳳的黃嘉雯，則有多張短打露長腿的造型，同樣搶眼。
王菲親揭地獄式增肌秘訣：驚上鏡望落會『了』
王菲的完美身形原來得來不易，全靠拍劇前做足準備。天生瘦底的她受訪時透露，自己並非為劇減肥，反而是努力增肌。她坦言擔心自己身形偏瘦，上鏡會顯得鬆弛，因此下定決心操肌，令線條更結實。王菲直言：「我本身由細到大都偏瘦，所以冇特登為套劇減肥，反而因為自己冇乜肌肉，驚上鏡望落會『了』，所以就有搵 PT 同做 Gym 增肌，等個人望落去挺身啲、同實淨少少有番啲線條感。」
王菲狂操手臂大髀Pat Pat 拍劇期練成最弗Body
為了塑造瑜伽導師的專業形象，王菲除了加密練習瑜伽，更聘請私人教練進行針對性訓練。她憶述當時勤練瑜伽，柔軟度大增，筋骨鬆到近乎可以做到一字馬。在健身方面，她重點訓練手臂、大腿和臀部，她說：「嗰時主要操手臂、大髀同Pat Pat。」王菲形容拍攝期間是她身體狀態最弗的時期，不過她也笑言：「但因為都成三年前，依家少咗運動又年紀大咗，都開始肥番少少。」
網民洗版大讚：身材太屈機！
王菲的火辣劇照及敬業態度引來網民洗版式討論，紛紛大讚其完美身段。網民留言：「王菲個body真係好癲！條腰完全冇贅肉！」、「瘦底仲要去增肌，真係好專業，好佩服佢嘅毅力！」、「原來靚係要付出代價，我都想搵PT操返個Pat Pat。」、「佢話依家肥返少少，完全睇唔出，都係好瘦好靚！」、「好期待睇佢喺劇入面教瑜伽，畫面一定好靚！」
