梁釗峰挑戰《無人之境》成死亡之歌 表情失守
當晚梁釗峰挑戰八首歌雖全部成功過關，但唯獨挑戰Level 7的《無人之境》時，表現得異常吃力。從畫面可見，他唱至「臉容扭曲」及「青筋暴現」，每一粒音幾乎都「搏到盡」地唱出來，可惜三項數據全線跌破90%，僅獲得82.3%綜合成績、81.4%音準、83.1%拍子，成為他全晚最低分的「死亡之歌」。釗峰事後坦言，當時聲音已經疲勞：「去到 Level 7 我把聲真係攰，因為我全神貫注同埋成日都大力（唱）咗，愈大力就會愈小心，愈小心就會捏得緊，效果就會愈差。」
梁釗峰唱《准我留下》獲讚揮灑自如 森美Eric Kwok睇到嘩嘩聲
與《無人之境》的掙扎形成強烈對比的，是梁釗峰全晚最高分的歌曲，Level 1的《准我留下》。雖然釗峰賽前謙稱「有啲難度」，但演唱時卻顯得輕鬆自如，三項數據成績全線達90%以上，分別獲得94.7%綜合成績、92%音準、97.3%拍子。他的超水準表現令主持人都讚不絕口，森美與Eric Kwok輪流表示：「輕鬆不特止，就算歌手上嚟唱都冇你好似輕鬆到咁」、「揮灑自如」，更大讚他有一下音準即將跑掉時能「即刻扭返上嚟所以冇事」，盡顯專業歌手的功架。
網民熱議表現反差 驚嘆《無人之境》難度
梁釗峰在節目中表現的巨大反差，引起網民熱烈討論，不少觀眾都對他演唱《無人之境》時的艱難感同身受。網民紛紛留言：「《無人之境》真係好難唱，聽到佢唱得好辛苦，但都明嘅。」、「唱《准我留下》嗰陣真係好有台型，完全係享受個舞台！」、「呢個反差先證明佢係真唱，好真實！」、「青筋都出埋，真係搏盡！」、「Eric Kwok同森美都讚，證明真係勁。」
