葉蒨文台上爆阿Lam搞笑對話
演唱會每晚唱完《零時十分》都有生日環節，昨晚壽星公就是台上的阿Lam。當Sally問觀眾今晚有誰生日時，她笑說「我好似識一個人生日⋯⋯係你！」隨即大爆阿Lam的糊塗事，「我嗰陣第一次唱《零時十分》，問佢乜嘢意思，佢話：『林振強咁寫嘅，我唔知喎。』跟住佢唱《十分十二吋》，我又問乜嘢意思，佢又話唔知！」阿Lam即時回應「總之我而家個車牌都係1012！」全場爆笑。Sally更爆料阿Lam生日當天上午竟然問自己幾多歲，「我同佢講Happy birthday，佢竟然問『我今年幾多歲？係咪77？』我話No！It was last year！」令全場觀眾笑到碌地。
劉德華郭富城等巨星VCR祝賀
台上大屏幕播出重量級祝賀片段，包括劉德華、郭富城、楊千嬅、李克勤、容祖兒、許冠傑、洪金寶等粒粒巨星，連運動員林丹和導演賈樟柯都有份參與。許冠傑更在片段中自彈自唱送上祝福，而洪金寶則幽默地說「我真係好希有機會再拍一套《貓頭鷹與『老飛象』》。」眾星雲集的祝賀陣容絕對是演唱會的一大亮點，展現了阿Lam在樂壇的崇高地位和人緣。
女兒April美國飛返突襲感動全場
正當大家以為驚喜已經完結，Sally突然說「仲有你識嘅人！」兒子林德信和太太即時抱著孫女林明上台，孫女更錫錫爺爺，場面溫馨甜蜜。Sally哽咽透露更大驚喜「個女April啱啱喺美國飛返嚟！」原來阿Lam完全被蒙在鼓裡，當女兒突然現身時，父女相擁的感動場面令阿Lam流下男兒淚。切蛋糕時Sally問要不要再唱生日歌，阿Lam搞笑耍手說「唔使啦，咁樣樣仲點唱歌啊？」最後更神來一筆地說「最大嘅surprise就係生日我可以放假！我唔使再唱啦係咪？」引得全場觀眾再次爆笑。
陳奕迅驚喜現身合唱《數字人生》
演唱會尾段，前來觀賞的陳奕迅突然驚喜現身舞台，令阿Lam和Sally驚喜萬分。三人更在台上合唱《數字人生》，由於歌曲節奏愈唱愈快，唱完後Eason五體投地、甘拜下風問二人「你哋點做到？」十分搞笑。完show後阿Lam跟Sally返到後台，主辦和工作人員送上幾個蛋糕為阿Lam慶祝生日，這個12點前的驚喜阿Lam照單全收，多謝大家的祝福。當晚捧場的嘉賓還有張艾嘉、洪金寶及太太高麗虹、陳奕迅及母親、曾志偉、周國豐、黃博及張王幼倫等。
