曾志偉親解「得不償失」真相
曾志偉在訪問中直言，擔任總經理五年，最大的「失」是失去了寶貴的個人時間。他憶述自己60歲生日時曾豪言要享受「黃金十年」，「趁行得走得 wet 得樣樣都得嘅時間」，沒想到卻一頭栽進TVB「捱騾仔」。他形容電視圈的工作是永無止境的循環，「好似做完港姐咁，聽日台慶又嚟喇，做完頒獎典禮又嚟喇，無止境地…不停度嘢諗嘢。」不過，有失必有得，志偉表示最大的收穫是得到觀眾的肯定，他甜絲絲地分享：「最開心係街見到好多陌生人，三唔識七要行番轉頭搵我話：『多謝你呀曾生。』『多謝我咩呀？』『好好睇呀依家啲節目』，即刻成個人冧晒。」一句簡單的讚賞，已成為他堅持下去的最大動力。
曾志偉自揭50分內幕：度過千節目用唔晒
當被問到為自己五年來的表現評分時，曾志偉毫不猶豫地給出「50分」的低分，但他強調「盡力就100分，好唔好可能得五十分啦。」他解釋，分數不高的原因在於許多宏大的構思未能完全實現。他透露，團隊原來構思了超過1,000個節目，但因人手有限，根本無法全部製作。他更提到有同事辭職時訴苦：「『你返嚟真係做死人，我過隔籬啲電視台好得閒，一年可能做一個節目架咋，你哋係不停手』」，志偉這才意識到自己的步伐「太癲」，過多的計劃反而成為了團隊的重擔，這份無奈與自責，或許就是50分背後的真正原因。
曾志偉自爆壓力爆煲健康變差
高壓工作不僅帶來心理負擔，更直接影響了曾志偉的身體健康。他坦言白頭髮變多，雖笑稱是「費事染」，但承認擔任總經理期間身體確實變差。壓力的最大源頭，竟然是害怕開會遲到！「我最唔想開會，我最驚，責任好大，一定要較鬧鐘。因為你唔喺度啲會開唔成，我會好內疚。」為了準時，他被迫每日七點多起床，對於習慣自然醒的他來說是巨大折磨：「嘩！好大壓力。」他直言睡眠不足導致精神差，與以往「自然醒」的輕鬆日子形成強烈對比，可見管理層的責任為他帶來了無形的枷鎖。
網民反應兩極：有人心痛有人質疑
曾志偉的「50分得不償失」言論一出，立即引起網民熱烈討論，意見呈現兩極。不少網民表示心痛，紛紛留言力撐：「志偉哥辛苦了！TVB呢幾年真係好睇咗」、「睇得出佢真係有心有力，做到咁已經好勁」、「為咗份工冇咗健康唔值得」。但亦有另一派網民提出質疑：「50分都俾多咗啦，好多節目都係抄」、「講到自己咁偉大？只係打份工啫」、「過千個節目？質素比數量重要囉」。無論如何，志偉五年來的功過，觀眾心中自有評價。
