今晚登場！化身鑽石王老五暗戀女神車婉婉
在今晚播出的一集「我的回憶有兩億」中，徐榮飾演的程祥劍將隆重登場。他不僅是嘉驄（李偉健飾）的中學好友，更是安多勳（關曜儁飾）健身室的大老闆，事業有成、有頭有面。劇中他對嘉驄愛屋及烏，對其姊姊嘉冰（車婉婉飾）更是特別關心。原來，祥劍在學生時期因樣子土氣，與嘉驄等人被封為「U4（Ugly 4）」，慘遭同學排擠取笑。在關鍵時刻，嘉冰挺身為他解圍打氣，從此成為他心目中的女神，祥劍更因此將愛貓改名為「兩億」，深情程度可見一斑。
徐榮預告親密戲：孭住車婉婉落樓梯勁難忘
今次是徐榮與車婉婉繼《大醬園》、《我家無難事》後再度合作，默契十足。徐榮透露，為了增加戲劇趣味，二人拍攝時更私下互Jam爆肚，火花四濺。他更預告有一場孭著車婉婉的戲份相當難忘，他憶述：「有場戲我要孭住佢，要一路孭一路落樓梯一路講對白，初初都唔知自己講唔講到對白，但最後婉婉比我想像中輕，所以都好輕鬆完成咗。」
網民期待徐榮回歸：終於等到佢返嚟！
對於徐榮相隔十年再度現身《愛‧回家》系列，不少忠實觀眾大表興奮，紛紛在網上留言洗版。「終於等到馬強返嚟《愛回家》喇！雖然唔係同一個角色，但都好期待！」「徐榮做深情角色好有feel，今次仲要係暗戀車婉婉，條線一定好睇！」「U4個設定好有喜感，想睇下以前有幾Ugly，哈哈！」「鑽石王老五返嚟拯救女神，呢個劇情好韓劇feel，必追！」
