In師傅揭前世緣 蔣祖曼竟係內疚月台服務員
In師傅首先揭示Joman與兒子的前世故事。畫面中，她兒子前世是一位剛喪妻的紳士，拿著行李來到一個偏遠的火車站，神情哀傷。而Joman當時則是一名月台服務員，因為一個陰差陽錯的失誤，令該名紳士上錯了火車，更遺下了裝有亡妻遺物的重要行李。雖然此事意外地讓那位紳士從喪妻之痛中釋懷，但作為服務員的Joman卻對此一直深感悔疚，這份愧疚感竟延續到了今生。
與女前世爭公仔 In師傅解構：今世變成你嘅翻版
至於與女兒的前世緣份則有趣得多。In師傅指二人前世相遇時都是小朋友，在商店裡同時看中了一隻獨一無二的公仔，經過一番爭奪，最終由Joman成功買到。師傅隨即解構當中玄機：「點解特別要講畀你聽呢，今世你想彌補一啲嘢，令你付出好多。對於囝囝大小事情你都想參與、畀好多意見，因為你永遠覺得自己做唔夠。而女兒今世變成你嘅翻版，由性格到行為每樣嘢同你都好似。」
蔣祖曼直言超準確 自爆與囡囡同愛一款兔仔公仔
聽完兩段前世故事，Joman直言師傅所講的都非常準確，坦承自己長久以來都想給予兒子更多，但又時刻擔心會過度干預影響他的個人意願，正正對應了前世的悔疚感。對於與女兒的「公仔緣」，Joman更覺得神奇不已，她笑著分享：「同囡囡唔止性格好似，大家都好鍾意公仔，特別係一款免仔，成張床都係。佢有3隻、我有兩隻。」印證了這段跨越時空的奇妙連結。
網民大呼神奇：前世今生嘅嘢好玄
節目內容引發網民熱烈討論，許多人都對前世今生的緣份感到不可思議。有網民留言：「聽完個仔個故仔有啲感動，原來今世嘅付出係為咗彌補前世嘅遺憾！」、「同個女爭公仔真係好搞笑，估唔到今世變咗母女！」、「前世今生嘅嘢真係好玄，信不信由你！」、「呢啲緣份嘅嘢，解釋咗點解有啲人一見面就好投契。」、「好想知自己同屋企人嘅前世係點！」。
