直播鬥嘴笑料百出 Oscar急解畫稱「富婆」屬讚美
在昨日的直播中,眾人氣氛相當融洽,期間Mandy半開玩笑地向觀眾「投訴」,爆出Oscar平時會叫為她改花名。面對Mandy的突然「控訴」,Oscar反應甚快,隨即認真又帶點靦腆地解釋,強調自己重點在於「富婆」二字,本意絕對是讚美對方,並非存心冒犯,在旁的何沛珈及東東聽到Oscar 腦筋急轉彎解釋都忍不住發笑,Mandy亦隨即「收貨」,兩人在節目後直播打打鬧鬧的互動引起不少關注。
阮嘉敏親自留言撲火 自爆視Oscar為細佬
眼見事件持續發酵,當事人阮嘉敏(Mandy)親自現身Threads帖文留言為Oscar解畫,強調對方絕無惡意:「我好想喺度解釋返,我唔想因為我嘅言論而令到其他人被誤會。其實我同Oscar兩個平時都係咁樣講嘢玩嚟玩去,就好似我係家姐佢係細佬,佢真係唔係攻擊我,我有時都會好粗魯同佢講嘢,衰啲講句我有時講嘢都好賤格。拍嘢時間咁漫長又攰,開心啲笑吓玩吓就一日,就係咁啦。」Mandy主動出面打圓場的舉動獲不少網民大讚高情商,留言稱讚她「心地好好,會解釋返」、「Mandy太好了」。
歡喜冤家直播 網民分析Oscar特別引姐姐關注
有網民在社交平台Threads的「女神配對計劃2」討論區發帖,不少觀眾大讚兩人互動可愛,認為這正是典型港式朋友間的相處之道:「我諗係睇當時講呢句嘅語氣同氛圍,歡喜冤家係咁的~你疾我時我又疾你幾好玩」、「笑死,幾Q,男仔就係咁」、「友儕相謔戲謔,本屬常情」。更有網民分析指:「我終於明白Oscar鍾意姐姐type,往往只有稍稍成熟可以接受他的語氣。」




