林敏驄2.0王維燁視像回歸 大玩遊花園絕技
相信有看上季《女神配對計劃》的觀眾，都對王維燁印象深刻。他憑著無人能及的「九唔搭八」說話風格，獲封「林敏驄2.0」，成為一時熱話。今季他再度登場，並以視像形式配上「美顏濾鏡」回歸，一開口就知功力未減。當主持們嘗試了解他的近況時，王維燁再次展示其遊花園絕技，令對話進入無人能預測的境界。
江美儀笑到趴枱嗌投降：真係Keep到
在面試環節中，主持阿Bob問王維燁：「依家喺度做緊咩？」他竟回答：「依家喺度同你傾緊偈咯！」之後江美儀再追問：「可唔可以介紹吓優點？」王維燁又慢悠悠地說：「其實自誇自擂我做唔到。」這兩句充滿禪意的回答，成功令身經百戰的阿Bob及美儀姐瞬間崩潰，笑到直接趴在枱上嗌投降，美儀姐更忍不住大讚王維燁：「真係 Keep 到」，認證他奇人風格始終如一。
網民爆笑留言：佢係節目靈魂人物
王維燁的回歸消息讓不少忠實觀眾非常興奮，紛紛留言表示期待。有網民直言：「終於等到佢！王維燁係呢個節目嘅靈魂！」、「笑到我肚痛，佢啲對答真係神級，完全估佢唔到！」亦有網民大讚主持的反應：「美儀姐個反應太真實，對住佢真係會笑到投降。」更有網民笑指：「美顏回歸笑死，佢真係好有自信！」、「呢啲先係真人騷嘅精髓，唔係個個都倒模咁！」
