監製Manho設A-Level陷阱 麥志康當場斷正報細廿年
由於參賽者麥志康（Jason）聲稱30歲，但外表明顯更為成熟，節目監製莫文浩（Manho）遂即場設下陷阱，突然提問：「想問吓你 A Level 咩成績？」由於香港自2012年後已再無A-Level公開考試，任何年輕過三十二、三歲的香港人均無相關應考經驗。當Jason不虞有詐，竟「鬼拍後尾枕」地細說自己的A-Level成績後，Manho即時篤爆，關嘉敏（Carman）亦斬釘截鐵追問：「你係咪報細數？」令Jason極為尷尬，最終支吾以對地承認：「我係報細數，我係76年（約50歲）。」
江美儀火爆狙擊大話男：「你呢啲係詐騙嚟喎！」
得知真相後，江美儀即時火起，向Jason連環炮轟：「做咩話畀人知你30歲啫？一睇就知你唔係啦，真係把火！」當Jason試圖解釋，稱之前報名《中年好聲音》時被指「一啲都唔似50歲」，美儀姐聞言再度狙擊，拋出金句：「佢話你唔似50歲，唔等於話你後生過50歲喎！」她更邊搖頭邊訓話：「我覺得男女之間坦白好緊要，你報假數我選擇咗嘅，唔得喎，詐騙嚟喎。」
片段半日瘋傳破百萬View 智破騙案成全晚高潮
監製、Carman及美儀姐聯手智取「報細數大話男」的片段，在節目播出後於網絡引爆熱話。在TVB官方社交網站上，該片段短短半日（截至7日早上9時）已吸獲逾19,000個Likes、28,000個轉發，觀看次數更衝破115萬，成為首播晚的最高潮，足見其話題性之高。
網民一面倒叫好 勁撐江美儀邏輯清晰
對於江美儀的火爆反應及清晰的邏輯，網民幾乎一面倒叫好，大讚她一針見血，為節目增添追看性。
「話你唔似50歲≠話你後生過50歲，邏輯清晰！」
「呢個節目嘅評審真係好需要有美儀姐」
「報細都算，報細幾年就係啦，大佬你報細廿年。」
