三對情侶配對成功放閃
最終GM同Sophie成功配對，仲咀嘴放閃令觀眾尖叫。GM開心表示「多謝你喺我最低谷無條件相信我，支持我呢個屁孩，你係我想自己長大嘅原因」，呢番深情告白令Sophie甜在心，表示會「一路做你嘅後盾」。
Maggie與Matt感謝對方
這對M&M CP獲全民祝福，Matt深情表白，出長文感謝對方：「我都想係呢度同 @maggiemanhau講一聲多謝。係因為你撳燈，我哋嘅緣份先至會開始。係因為你係三角枱之後出嚟同我傾偈，我先能夠認識鏡頭後嘅你。係因為你願意慢慢打開心扉，我先有機會了解真實嘅你。係因為你比好多機會我去表現，我哋先會收到咁多祝福，先會有M&M呢個咁甜嘅CP名。雖然我哋配對嘅結果係希望喺節目外繼續了解，而唔係即刻一齊，但係反而係我哋心靈相通嘅點，先至會配對成功。借 @yukyukyukee首歌一句歌詞「未來即使一切渺茫，在今天起好好的灌溉」，期待經過灌溉後的我們。」
羅毓儀公開表白：繼續同你延續夢
另外成功配對嘅仲有公認合襯嘅羅毓儀與林俊其，羅毓儀感謝林俊其嘅勇氣同陪伴，形容佢「如同月亮一樣溫柔又耀眼嘅笑容」，留言：「呢個名為《女神配對計劃》嘅人生之旅終於告一段落，喺度祝福咁多位女神同男神，無論配對成功與否，都希望大家可以幸福快樂、開開心心！我哋喺呢段時間同所有人建立嘅感情、愛情同埋友情確實存在，就算節目結束之後都唔會結束。Kris林俊其，多謝你呢段時間所做嘅所有嘢，好感恩可以喺呢個節目遇見你。多謝你嘅勇氣，多謝你嘅陪伴，多謝你嘅體貼，多謝你嘅呆萌，多謝你如同月亮一樣溫柔又耀眼嘅笑容。嚟緊希望繼續同你延續愛麗絲夢遊仙境嘅呢個夢，繼續經歷人生唔同嘅事，繼續多多指教！💜💜💜よろしくお願いします」
林俊其感性告白獲讚賞
林俊其亦發表感性告白，表示「終於等到你，還好我沒放棄」。佢形容6個月嘅《女神配對計劃》像一場奇妙旅程，感謝羅毓儀嘅溫柔光芒照亮咗原本唔喜歡笑嘅自己。林俊其留言：「終於等到你，還好我沒放棄。6個月的《女神配對計劃》像一場奇妙的旅程，今天終於迎來了最美好的結局。真的真的想對所有人說一聲：謝謝！你們的歡樂你們的淚水也是這段路程最寶貴的地方。當初我好可能黐咗線，從初遇的緊張到每一次互動的期待，從互相瞭解到逐漸靠近，每一步都充滿了驚喜與感動。還記得最初那個略帶忐忑的自己，也許是緣分的引領，如今卻只想感謝這份勇氣，讓我沒有錯過如此美好的你。曾經是一個經常把自己的情感收藏於心裏，令到你或大家都猜不透，我是怎樣？謝謝你沒放棄，也令我慢慢改變善於表達自己，你溫柔的光，用你陽光的笑容、照亮了我，那個喜歡自己躲藏起來，不喜歡笑的我已經不在存在。那天的你很美，很幸運能和你一起寫下這個故事的結局，但更開心的是，我們的故事才剛剛開始。」，呢番話令網民都大讚佢變得善於表達，成長好多。
