昨晚限時告白 梁敏巧冧爆拒絕轉場
在昨晚播出的「限時告白」環節中，每位男嘉賓都費盡心思爭取女神芳心，而暖男律師Matt則為梁敏巧（Maggie）準備了極度浪漫的四手聯彈。兩人默契十足的演奏，令現場充滿粉紅泡泡，Maggie完全沉醉其中。當主持人林盛斌（Bob）現身，好心提醒她尚有另外兩位男嘉賓榮嘉爾及海淦清在等候時，Maggie竟罕有地堅定拒絕：「我完全唔想走，好想繼續同佢彈琴咯。」她最終將寶貴的40分鐘全數奉獻給Matt一人。眼見此情此景，身為金牌媒人的Bob亦識趣地悄悄退場，事後更忍不住感嘆：「係睇背脊都見到有默契交流。」可見兩人之間的化學作用已是旁人無法介入的程度。
暖男Matt深夜放閃 曝光「追女三寶」冧暈網民
節目播出後，被封為「絕世暖男」的Matt隨即在社交平台分享拍攝花絮，坦言為了這次四手聯彈「緊張到爆」，中學畢業後已甚少彈琴的他，為了在Maggie面前有最好表現，足足苦練了數個星期。他更公開了自己的「暖男三寶」，包括額外準備的50支粉紅玫瑰，只因「我想成為佢心入面浪漫嘅人」；一隻可以錄下兩人琴聲的「歪嘴錄音熊仔」；以及媽媽從小教導要隨身攜帶的紙巾。Matt更分享了他超強的愛情觀，強調打破Maggie心防前，必先放下自己的防備，他寫道：「關係係雙向嘅，要互相去維繫，所以唔可以單方面提出要求。喺提出要求嘅時候，先反思自己係咪已經做好咗。」這番真誠的剖白，再次引來網民激讚。
網民洗版狂撐M&M CP：「求你哋原地結婚！」
節目播出後，討論區被M&M CP的甜蜜互動瘋狂洗版，網民一面倒力推兩人「原地結婚」，留言充滿激動與祝福：「救命！可唔可以原地結婚？真係好match！！！好夾啊！」、 「你見唔見到個天花板穿咗？你呢啲神級追女方法，set高咗我將來女婿追我女嘅要求！」不少網民大讚Matt是「最強開鎖佬」，能打開女神心房，又欣賞他真誠有心思：「阿Matt真係好有心思、好真誠」、「老老實實，觀察咗Mr Matt一排，覺得你係好貼地、好貼心嘅男人」。同時，網民亦稱讚Maggie的態度：「鍾意Maggie夠堅定」、「唔會畀假signal人」，認為兩人是天作之合。
