挑戰《我真受傷了》緊張到手震
Connie雖然音樂資歷豐富，但在挑戰王菀之的《我真的受傷了》時，賽前信心似乎出現裂縫，直言：「呢首歌我唱過好多次，相對有啲難度，有好多轉音，比較難拿捏。」評判Eric Kwok亦給出建議，指此曲需要淡定和足夠氣息。然而，Connie在演唱時明顯相當緊張，手部動作全程「冇停過」地跟隨節拍，唱得「一步一驚心」，令台下應援團都看得非常投入，齊齊「頭搖式打拍子」，氣氛相當肉緊。
Connie自信鑽研新唱法「我梗係繼續玩」
作為演藝教育中心的掌門人，Connie的專業背景毋庸置疑。她賽前表現得非常輕鬆，認為這次參賽不會影響其學校聲譽，更透露為節目鑽研了新唱法：「我覺得今次係一個遊戲，係唔係好影響我學校？除非我自己真係好失準，如果唔係我覺得唔會，今次遊戲形式我都鑽研咗我另一個唱法。」而在選擇挑戰策略時，她更展現出極強的好勝心，直言：「我梗係繼續玩。」
唱《全身暑假》大解放 Eric Kwok讚「勁可愛」
正當大家以為Connie是溫文爾雅的類型，她挑戰天后容祖兒的經典K歌《全身暑假》時，竟瞬間大變身！她化身成派對女王，跟隨強勁拍子「瘋狂搖擺」，再加上「手勢多多」，手指跟隨歌詞輕快跳動，台風活潑可愛，與唱慢歌時的緊張模樣判若兩人。這股歡樂氣氛感染了全場，連評判Eric Kwok都忍不住大讚：「勁可愛。」
網民大讚反差萌：估佢唔到！
Connie的驚人反差表現引來網民熱烈討論，不少人留言大讚。有網民表示：「估唔到平時教唱歌嘅老師可以咁活潑！完全估佢唔到！」「呢啲咪就係反差萌囉，唱慢歌好緊張，唱快歌即刻放飛自我，好得意！」「Eric Kwok都話可愛，證明真係得！」「佢搖得好放，睇到都開心埋一份！」「好期待佢之後嘅表演！」
