周潤發獲頒本屆「亞洲電影人獎」 親回應捐身家56億傳聞
記者提問中，發哥坦言香港電影業沒有自由，中國大陸又有很多審查，劇本要經過多個部門審批才可，認為這些挑戰對香港電影製作人來說是相當困難。而問到發哥有關捐身家56億港幣一事，他以無奈語氣但又不失幽默地表示「嗰啲唔係我捐，係我老婆捐，我都唔想㗎，我搵錢都好辛苦㗎」。他表示自己的經濟都交由發嫂陳薈蓮打理，不太清楚金錢流向。「我每個月都向老婆攞零用錢，所以我不太清楚具體捐贈咗幾多」。發哥又表示「講白啲，我死嘅時候咩都帶唔走，身外物，邊個要嘅咪攞去囉，我平時都係一日食兩碗飯就足夠了」。
發哥：而家有糖尿病，有時只可食一餐飯
發哥又透露自己現在有糖尿病，所以有時甚至只能吃一餐飯。至於日常花費最多的地方，一直熱愛攝影的他笑認：「我喺相機鏡頭上面使嘅錢最多！」發哥更直言活在當下最重要，已將生死看得很淡，並表示：「有生，必有死。我唔太關心皺紋、亦唔怕變老。相反，冇咩可以驚，因為呢啲就係生活。」
網民：發哥真係型到盡
發哥在港人的心中一向都有崇高地位，他「無架子」的形象深入民心，看到他今次的言論後，更令人激讚！有網民指「發哥佢真係型到盡，如果我可以有咁多錢，我都想可以去幫更加多嘅人同小動物，呢個世界需要佢哋」、「功德無量」、「發哥活得通透，爽，直！現在的發哥比年輕時更型！」、「我想要呀，發哥」。亦有網民因發哥一句「邊個想要就攞去」而有大反應，人人都爭住要，但同時亦提醒發哥「要小心身體，好人有好報，唔好咁粗勞」。不過亦有人指捐身家一事「好似好假」，認為「呢個說法傳咗好多年啦，到底係咪真，邊個知，不如搵次拎證據出嚟」。
還有什麼演唱會消息？
無論是本地歌手還是外地歌手都即將在香港舉行演唱會，即睇：演唱會時間表及購票資訊，包括MIRROR演唱會門票兌換安排、容祖兒、鄭秀文、張學友、鄭中基、溫拿、羅志祥等。