祥哥親述天價買片 賣家佈局說服力十足
昨晚節目主題圍繞「羅茲威爾」，TVB製作部助理總監（資訊文教）楊永祥（祥哥）擔任嘉賓，大爆當年購入「解剖外星人」片段的震撼內幕。他提到當年《今日睇真啲》非常賺錢，因此有龐大資源搜羅獨家材料。祥哥憶述：「當時節目部高層睇到一則通訊社新聞，話會發放一條高度機密嘅片，牽涉解剖外星人。」賣家聲稱，負責拍攝的軍隊攝影師年老，感覺人生將盡，才決定將片段公諸於世。祥哥更透露賣家佈局極具說服力，要求全球買家同步播映，且每區只賣給一個獨家買家，令影片顯得極為珍貴。當時的買家包括英國Channel 4、美國霍士電視等大台，更增加了事件的可信性。
祥哥憶述首看片段反應：「相信係真嘅」
祥哥透露，當年購入片段的價格無人知曉，但「講返係超過10萬美金，只係買一條片，個價值係好高。」電視台高層親自飛往美國簽約，由過帶、剪接到睇片的過程都做到非常保密，全程僅得4人參與。祥哥回憶起首次觀看片段的感覺：「第一個反應，相信係真嘅，但有少少詫異，條片得21分鐘，而解剖片得幾分鐘。」為了豐富節目內容，電視台更專誠派員遠赴羅茲威爾，從飛碟墜落源頭追訪至目擊者、收藏殘骸的貨倉及退役軍人，務求將整個故事完整呈現。
《睇真啲》創收視神話 超過30點成集體回憶
「解剖外星人」特輯播出後，隨即在香港引爆熱潮，創下驚人成績。祥哥形容當時的收視率是「天文數字」，節目收視超過30點，成為全城熱話。這段影片不僅帶來了巨大的商業成功，更深深烙印在港人心中，成為一個跨世代的集體回憶。祥哥在節目中直言：「當年喺『今日睇真啲』做咗一輯解剖外星人，亦都成為香港人一個集體回憶。」即使是多年後才觀看片段的羅毓儀（Yuki）亦覺得非常瘋狂，可見其影響力之深遠。
網民洗版式提問 困擾兩代人謎團再掀熱話
當年「解剖外星人」的真偽困擾了兩代人，如今由當年的策劃者親自解密，隨即在節目聊天室引來大量留言及提問，網民反應極之踴躍。不少網民都表示對當年的幕後故事感到非常震驚，紛紛留言表示：「原來當年係咁樣買返嚟！成個故仔好似睇戲咁！」、「100,000美金喺90年代係天價啦！TVB真係肯揼本！」、「祥哥唔講真係唔知，原來背後咁多部署，難怪當年個個都信。」、「細個睇真係嚇親，成個星期都發惡夢，原來得幾分鐘！」、「呢個絕對係香港電視史上最經典事件之一！」
