陳旭培父母驚喜現身！台上兩度淚崩場面感人
陳旭培昨晚獻唱《笑忘書》後，現場突然播出他父母預先錄下的鼓勵錄音，已令他感動落淚。沒想到更大驚喜在後頭，主持鄭衍峰竟秘密將陳父陳母帶到現場！陳母現身一刻即向兒子打氣：「仔，加油呀，我依家嚟到現場支持你㗎！」一直渴望家人認同的旭培再也忍不住，當場再度淚崩，衝前與父母擁抱，場面極之感人。
陳旭培自揭曾獲唱片公司招手遭反對！坦言最緊要獲父母認同
原來這份支持得來不易。賽後旭培受訪時透露，過去曾獲唱片公司招手，但因父母大力反對而被迫放棄，他坦言：「跟住我一直出嚟做嘢，但唔係做緊自己，我唔想做呢樣嘢，我想唱歌。」對於父母今次現身，他直言感覺「開心又陌生」，並感觸表示之後在《中4》能走多遠已不重要，因為他覺得自己已經贏了：「最緊要得到父母認同。」
網民睇到眼濕濕：家人支持係最大動力
陳旭培與家人和解的一幕，令無數觀眾動容，紛紛留言送上祝福。「睇到佢父母出嚟嗰下，我都跟住喊咗！」「追夢最需要就係屋企人嘅支持！」「佢講『唔係做緊自己』好有共鳴。」「呢一幕比攞任何分數都更重要！」「仔，加油呀！你父母一定為你驕傲！」
