移民台灣|不時聽到已移民的港人分享自己在當地遇上的文化差異,有時不只中西文化差異,即使香港與台灣只有個半小時航程相隔,都有不少移台港人大呻「文化差異很大」!由移台港人分享一下移民台灣生活的6大落差!

7大移民台灣誤解

移民台灣|過來人分享移台生活6大落差

雖然香港和台灣只是相隔1.5小時機程,不過移到台灣的香港人都紛紛說「文化差很大」。如本篇作者里奧叔叔,眨下眼便來到台灣5年,從初來埗到至落地生根,其實與幻想的台灣生活有冇落差?答案係「有」,實際落差都真係幾大,今日同大家分享一下。

移台港人分享移民台灣生活的6大落差
移台港人分享移民台灣生活的6大落差(圖片來源:[email protected] 李奕良)

移台港人分享移民台灣生活的6大落差
移台港人分享移民台灣生活的6大落差(圖片來源:[email protected] Khee)

移民台灣|台灣生活落差 1. 業主審問式查家宅

記得喺香港申請緊居留證嘅同時,里奧同里奧嫂幾乎每兩個禮拜就飛台灣一次,為學校、住屋、選區等等,以為喺台灣租屋好簡單,591網睇到嘅租盤好多都係業主自己租出嚟,要飛一次三日兩夜就約晒啲業主睇樓真係好攰,作為一個連居留證都未到手嘅香港人,業主見面後都會查家宅式問料,由生活問到工作,由工作問到點解會做這個工作,再問埋你嘅工作賺幾多錢一個月都有。

移民台灣 台灣業主審問式查家宅
台灣業主審問式查家宅(圖片來源:Netflix《華燈初上》劇照)

里奧都好明白業主擔心租客品德,但問到咁透徹又真係唔慣,從佢哋嘅面部表情,應該係如果有選擇嘅情況下,都唔係太想租畀非本地人。

移民台灣|台灣生活落差 2. 房屋仲介嘅租盤都唔多

又試過就咁行入台灣嘅房屋仲介,但似乎佢哋唔多鍾意做租盤,而且又係連居留證都未出,佢哋都冇咩心機幫你搵!後來喺網上搵到一間專門幫外資企業租樓嘅仲介,雖然啲盤會貴少少,但睇幾間都好優質,好快就決定咗以NT42,000 租咗一間位於高雄左營嘅全新四房單位,全新裝修連家電仲包埋一個車位同管理費,面積實用有1,300呎,就係咁,到里奧一家收到居留證後,飛到台灣就直接搬咗入去,開始我哋一家嘅台灣新生活。

移民台灣 i房屋仲介嘅租盤都唔多
i房屋仲介嘅租盤都唔多(圖片來源:[email protected] Brind)

移民台灣|台灣生活落差 3. 鄰居可以很好,也可以很……

住咗未夠一個月的一個中午,小朋友放假唔使返學喺屋企玩,可能係跑跳嘅關係,里奧接到管理處通知我哋被樓下投訴,當時里奧嘅反應係認為小朋友太興奮影響人哋啦!所以叫小朋友唔好太興奮,要輕輕地玩。

相隔只有一個周末,里奧幾位台灣朋友等我哋安居後,佢哋約埋嚟里奧屋企食飯,可能係飲多兩杯嘅關係傾偈太開心,未到晚上9點又接到投訴話我哋太大聲,飲咗少少酒嘅里奧當時心裡講咗一句「what the fxxx 」,台灣朋友就幫里奧去解釋,拍謝拍謝「台語的sorry」,我們聲音會小一些,不好意思。

移民台灣 圖片來源:《1006的房客》劇照
台灣人給人的印象很好,可是他們對鄰居要求也很高(圖片來源:台劇《1006的房客》劇照)

朋友話,喺台灣住大樓好多時候都會出現呢個問題,住透天嘅朋友話好多時候住大樓都會遇到「龜毛」鄰居,遇到就盡量互相忍耐一下就好,自此之後,我哋一家喺屋企就學會用「輕功」行路。

移民台灣|台灣生活落差 4. 銀行辦事效率代表了生活「慢活」

安居之後就要準備樂業啦!到之前開公司時開設嘅銀行去開番個私人戶口,唔使排隊下,開個戶口都要成個鐘頭,之後連入支票都要排隊,攞嘅飛仔等號碼,每次都要差不多一個鐘,剛開始時會諗點解連drop box 都冇?經常心諗點解銀行唔可以好似香港咁點點點,點解咁慢,點解……

移民台灣 台灣銀行辦事效率代表了生活「慢活」
台灣銀行辦事效率代表了生活「慢活」(圖片來源:[email protected] Romero)

移民台灣|台灣生活落差 5. 餐廳食飯明明有位都要等

屋企附近有一間幾大嘅餐廳,入去一定要由服務生帶位。

服務生:你好,請問幾位?

里奧:我們四位,謝謝。
服務生:好的,請稍等一下。

講完之後佢去咗送餐,之後見到佢走嚟走去,但明明就見到大把空位可以坐,點解又要稍等呢?點解等等下又過咗5分鐘先畀我哋入座呢?

原來呢個係佢哋嘅服務程序,一定要等佢哋完全ready先再安排客人入座,程序就係程序,原則上係唔會變嘅。

移民台灣 在台灣餐廳食飯明明有位都要等
在台灣餐廳食飯明明有位都要等(圖片來源:[email protected] Ivan)

移民台灣|台灣生活落差 6. 餐廳冷氣開咗好似冇開咁

朝早去食早餐,室內都會有冷氣但唔夠凍,大家都知香港啲餐廳冷氣都開得好勁,但里奧喺台灣嘅餐廳食飯成日都大汗疊細汗,心又諗,咁樣嘅冷氣開嚟做乜?

回想起初到台灣時,里奧真係會經常諗:「點解唔可以好似香港咁?又點解唔可以咁?」經常都會用香港做標準。

移民台灣 台灣餐廳冷氣開咗好似冇開咁
台灣餐廳冷氣開咗好似冇開咁(圖片來源:[email protected] Lin)

但係諗深一層,唔同嘅地方,儘管大家都用中文,文化差異一定會有,既然嚟到台灣就應該慢慢融入,慢啲咪慢啲囉!冷氣唔凍但夠涼咪ok囉!問多兩句咪問囉!點解要用香港做標準呢?如果咩都要用香港嗰套嘅話,咁又點解要嚟台灣呢?用香港標準咪留喺香港咪得囉!

五年後嘅今日,以上分享嘅問題變得都唔係問題,相反返到香港時,會覺得餐廳冷氣太凍呢!

撰文:[email protected]移居台灣 真實生活
免責聲明:本專頁刊載的所有移民資訊,只可作參考用途。讀者在作出決定前理應審慎,若不幸招致任何損失,概與本刊及相關作者無關。而本集團旗下網站或社交平台的網誌內容及觀點,僅屬筆者個人意見,與新傳媒立場無關。本集團旗下網站對因上述人士張貼之資訊內容所帶來之損失或損害概不負責。

常見問題

移台港人對台灣生活最大的落差是甚麼?

除了英國是較多人選擇的移民地方外,亦有不少人考慮移居到台灣生活。近日,有移台港人分享他到台灣後所感到的6大落差。香港人對台灣人的印象是他們十分友善,但原來作為鄰居的台灣人… 詳情請看

在台灣租屋難嗎?

對於一位尚未有居留證的移台港人在租樓上是十分困難和疲倦。雖然驟眼看在台灣租樓是一件易事,但業住和中介人… 詳情請看

圖片來源:Netflix《華燈初上》劇照、台劇《1006的房客》劇照、[email protected] Khee、[email protected] Brind、[email protected] Romero、[email protected] Ivan、[email protected] Lin

相關文章