「生仔要考牌」這句說話,除了被應用在孩子的管教方式上,同時亦應用在家長的態度上,而最近在壽司郎正正又再一次體現這句說話的精粹。事源有網民堂食壽司郎時,眼見對面有一小孩不停用手掃跌輸送有上的壽司,店員多番勸告下亦不予理會,更甚的是其家長只顧聊天,「眼尾都無望吓個仔」,令一眾網民非常憤怒,更有食客指自己錯怪了店舖的師傅。

壽司郎 家長懶理 網民吃迴轉壽司時,眼見對面有一小孩伸手到塑膠擋板的隙縫玩弄食物
網民吃迴轉壽司時,眼見對面有一小孩伸手到塑膠擋板的隙縫玩弄食物(圖片來源:Facebook@爆料公社)

男童邊吃邊伸手摸多碟迴轉壽司 店員屢勸不聽家長懶理

近日有網民在討論區發放一條影片,以「雖然是吃手握壽司,但是你家孩子握過的壽司我真的不敢吃」為題,影片中可見一位媽媽帶男童與朋友一起到壽司郎進餐,豈料男童突然站在座位上把輸送帶上的壽司「蹂躝」一番。片段可見,男童一手正吃著壽司,一手伸到塑膠擋板的隙縫中,逐碟把壽司徒手掃跌後,任由壽司繼續留在輸送帶上供客人食用。有店員看到後上次阻止,但男童並無「收手」,待店員離開後繼續玩弄輸送帶上的壽司。

壽司郎 家長懶理 男童專登徒手掃跌壽司上的刺身
男童專登徒手掃跌壽司上的刺身(圖片來源:Facebook@爆料公社)

拍片的網民指,自己當時一發現已立即按鈴通知店員,並大聲指道:「個細路玩緊啲壽司」,惟不論食客投訴抑或店員上前告知,該名家長依然「當睇唔到」,一直沒有阻止,繼續跟朋友聊天。事主指因家長的放任和男童惡劣行為令人「太睇唔過眼」,於是拍片「警世」。

壽司郎 家長懶理 已有多碟壽司慘遭下手但家長照樣不理會
已有多碟壽司慘遭下手但家長照樣不理會(圖片來源:Facebook@爆料公社)

網民:呢種家長最乞人憎!

影片曝光後,不少網民大鬧家長,指「一啲家教都無,唔想湊就唔好生仔」、「呢啲細路同家長最乞人憎,唔想畀人鬧又唔想畀個仔煩,就唔理其他人感受」、「睇見都覺得好污糟想嘔」、「唔想教最簡單就係唔好帶出街,影響唔到人人哋唔會理你,但而家係嚴重衛生問題」、「做家長做到佢咁,真係影衰晒」、「其實而家少咗人鍾意小朋友咪就係因為呢啲家長」、「應該要罰個細路食晒佢」。

壽司郎 家長懶理 網民指家長懶理的行為更討厭示意圖,非當事人)
網民指家長懶理的行為更討厭(示意圖,非當事人)(圖片來源:《戀愛雖然麻煩但更討厭孤獨》截圖)

網民教一招即令家長屈服

亦有網民建議店方不應「講完就算」,應把男童碰過的壽司全都計在帳單內,「只要一講錢,個啊媽就唔敢唔理」,以儆效尤!亦有網民留言指,自己應是跟男童同一時後在店內進餐,當時已感奇怪「點解今日碟碟壽司都擺唔好,個師傅好唔掂」,但看影片後才得知自己錯怪了他們,更指以後不敢再吃輸送帶上的壽司,下單點餐罷了。

壽司郎 家長懶理 網民指以後不敢再吃輸送帶上的壽司示意圖,非當事人)
網民指以後不敢再吃輸送帶上的壽司(示意圖,非當事人)(圖片來源:《孤獨的美食家》截圖)

圖片來源:《孤獨的美食家》、《戀愛雖然麻煩但更討厭孤獨》、Facebook@爆料公社