台北限定展覽開始了,今次是一共以15種顏色和15個日常生活點滴作主題的展覽。色彩繽紛的房間,加上每個主題也有自己獨特的文字作配搭,語錄、撩妹金句一街都係!快啲約埋朋友一起去瘋狂影相。提提大家記得幫電話充電、預留memory先好去影啊!

text:Ellissa | photo:網上圖片

台北網美勝地色廊展

從門口所見,已經感覺很美麗,有網友自己帶了色彩繽紛的馬來貘,在展覽門口整齊排列。而且馬來貘件衫係台北的士造型,好可愛。

 

01 | 奇幻多彩氣球走廊

成條走廊都係白色氣球,加上燈光投影 ,製造出繽紛多彩的視覺效果。主辦單位仲話呢個係預告多彩同奇幻的一天即將開始,感覺就好似通往迪士尼奇幻世界,仲好似teamLab嘅波波球。

而且氣球廊道仲有一個驚人嘅開始:「告白氣球」!各位可以趁住情人節嘅時候,約埋個女仔一起睇展覽。

02 | 純白文青系睡房

每一日在純白的睡房起床,就可以開展一段美好的早晨。而且,如果有人和你一同起床,就更加完美!白色睡房裡面有單人床、三人床,仲有枕頭牆,真係見到都想去瞓番覺。

雖則離不開撩妹金句,但同閨密一起去,都可以好甜蜜呢!

03 | 夢幻粉色衣帽間

單純幻想一下每天早上起來,第一件事就在自己的粉紅色衣帽間,揀下著咩衫,諗下要點襯,再化個靚妝,真是想像也興奮呢!粉紅色絕對係大部分女孩子的夢幻顏色,如果能夠成間屋都係,就更加難得。

當然唔少得精彩語錄呢!唔知A同B嘅對話屬於情侶還是衣服呢?不過著粉紅色衫去,好似撞得有點厲害。

04 | 元氣黃色早餐店

每日清晨一個完美的早餐,絕對是美好的一天開始。黃色代表的活力同朝氣,就能夠與早餐配合,甚至帶動了更陽光的氣氛呢!

咁有活力的早餐,見到都肚餓!

05 | Monday Blue的地鐵車廂

每個星期一都係城市人最難熬的日子,每日返工之前迫地鐵,絕對係人生最苦悶的時間。但呢個展覽卻能夠將一件人人都覺得困難同辛苦的事,化成咁靚的藝術布置,真係不得了。

地鐵車廂就好似海洋一樣,可以淹死人的鬥志。語錄用「社畜輸送帶」去形容呢個代表憂鬱的藍色地方。

06 | 巨型黑白辦公室

搭完地鐵就去到公司,office絕對係黑白色的地方。每天工作的疲累,還有早上9:00am開會的日程,當然需要一杯熱咖啡來提神。

但唔好意思,呢度得熱茶一杯,飲住先!各位打工仔要相信自己,可以立大功。

07 | 綠意盎然的班房

當你細個讀書以為班房好沉悶,長大後卻發現佢係最好的避風塘。一點都不嚴肅的班房,布滿了堆積如山的木櫈同書枱,仲有經典黑板做背景。大家可以一起懷念以往的讀書時光。

牆上的語錄都幾寫實,因為呢個年代的人,看facebook(臉書)應該真係多過真正的書。另外黑板畫好靚,係畫家一手一腳用40分鐘畫出來的。

08 | 甜蜜蜜的橙色冰果室

放學的時候,就梗係約埋班朋友一起食雪條!冬天就更加適合。

09 | 浪漫紫鳥籠花房

鍾意紫色的朋友千萬不要錯過,呢個由紫色乾花拼湊而成的鳥籠,一定係令各位樂而忘返的地方。除咗大大小小的鳥籠,還有全都是紫色花的牆。

10 | 金光閃閃的金庫

錢!全部都係錢!金色閃閃發光的金幣,吸引力無法想像。一地都係金幣,仲可以一袋一袋咁攞走。

11 | 時尚的湖水綠健身房

做運動減肥簡直就係女仔的終身大事,不過通常都好難堅持,唔知湖水綠的健身房有冇增加各位嘅動力呢?

12 | 奇妙紅色招牌夜市

說到台灣又怎麼能沒有夜市呢?夜市就是台灣的代表,一個一個紅色的霓虹燈招牌,象徵著店家徹夜未眠的努力。不過場景布置反而比較似美國風格多過台灣。

13 | 無重力漂浮月色太空

無重力月球絕對係呢幾年大熱之選,星空的奇幻多彩吸引唔少人,而且唔少人為咗影靚相,甚至瞓落地上取景都可以。

14 | 療癒藍色球池澡堂

藍色波波池加上富士山做背景,突然好似去咗日本澡堂一樣。將每日必定進入的浴室整到咁靚,真係好吸引。而且一大班朋友去除咗影相,仲可以喺波波池裡面玩得好開心呢!貼心的網友提醒大家,入場要著襪,如果唔記得都可以即場買呢!

15 | 幸福滿滿的彩虹走廊

最後用七彩顏色的走廊去結束每一天,回顧整天生活甚是美好。

色廊展Color Gallery

日期:1月17日-4月1日(2月15日除夕休館)
時間:10:00am-6:00pm(5:30pm停止售票及入場)
地點:松山文創園區2號倉庫(台北市信義區光復南路133號)
票價:全票NT250/HK$63
網址:www.facebook.com/colorgalleryexhibition/

延伸閱讀:【告別單身】台南自助交友販賣機 即約台妹 成功率60%

出發台北旅遊前要有什麼準備?

當然要了解清楚台灣開關的最新入境規定!其次就是買機票,編輯親身為大家體驗中華航空與長榮航空,比較兩者的環境、食物及空姐的服務。最後就是要決定酒店住宿,即睇:台北酒店推介

台北有什麼必去景點?

到台北絕不容錯過台北夜市,當中推薦寧夏夜市、饒河夜市等8大夜市掃街;也可參考台北自由行3日2夜,去勻所有必去景點!