港鐵東涌綫車廂驚現紅色袋｜網民一睇即知內有乜嘢

乘客落車後紅色手挽袋孤伶伶躺在地面

事件由一名男子在Facebook群組「香港乳豬乳鴿關注組」率先曝光，他上載一張車廂內的照片，清楚可見地面放有一個紅色長形手挽袋，袋身金色字樣相當搶眼，一看便知是裝載乳豬的專用袋。樓主笑指「東涌綫有人漏咗隻」，並表示希望在群組內替乳豬尋回主人，但同時強調自己只是轉載。單憑袋的尺寸和外觀，大批網民即刻斷定內有一隻完整乳豬，估計失主可能因為太過匆忙落車而大意遺下。

網民群起替失主肉痛笑言買隻豬都要幾舊水

事件曝光後，大批網民替失主不值，帖文下方留言區即時洗版。有人慨嘆「有啲人真係忙到唔記得咗攞㗎，要賠錢就大件事」，亦有網民笑言「太大懵」、「咁都得」、「邊個唔見咗隻豬？」，更有人直接點出「買隻豬都要幾舊水」，替失主的荷包感到肉痛. 一隻乳豬動輒數百元，白白遺留在車廂內無人認領，網民紛紛表示難以置信，質疑失主究竟有幾大頭蝦先可以連成隻乳豬都唔記得攞。

港鐵提供6星期報失期限逾期未領即變公司財產

根據港鐵官網資料，失主可於6星期內透過官網登記報失，並查看個案處理狀況。港鐵亦與順豐香港合作推出失物送遞服務，失主可以運費到付形式將失物送上門或到全港超過1,000個自取點領取，惟服務不適用於電子產品、現金及珠寶等貴重物品。值得留意的是，根據《香港鐵路附例》，港鐵公司只會保留失物1個月，逾期無人認領即視為公司財產，届時港鐵可出售或以其他方式處置. 無獨有偶，將軍澳綫車廂近日亦有乘客遺下一對色彩鮮艷的卡通童裝鞋，可見港鐵「大頭蝦」乘客確實無處不在。