大阪的士驚現四語告示免費派糖背後原因超暖心
事主分享，佢日前喺大阪市內搭的士，赫然發現前座背後掛住一個精緻小籃，入面裝滿五顏六色嘅糖果。最誇張嘅係，籃上面竟然貼住用日、英、韓、中足足四種語言寫嘅告示，邀請乘客「自由取用，每人一粒」。事主好奇之下問司機點解有呢個安排，司機竟然大方承認全部糖果都係佢自掏腰包買嘅！至於原因，司機就淡淡然咁講：「因為的士收費都唔平，希望呢一粒糖，可以令乘客俾完錢之後，心情會好過啲。」呢種完全體恤乘客荷包嘅諗法，真係隔住個Mon都覺得勁窩心！
帖文引發群組洗版網民熱議東京大阪司機大不同
事件曝光後，帖文隨即喺網上被瘋狂洗版，大批網民替司機嘅善舉感到溫暖，同時亦引發一場關於日本兩大城市文化差異嘅激辯！有自稱係大阪同行嘅司機留言，話大阪的確有呢種「派糖文化」，唔少司機都鍾意同客人互動，甚至有女司機喺情人節派朱古力，體現關西人開朗熱情嘅性格。相反，有東京司機就話當地絕對唔會咁做，因為擔心客人會對陌生人嘅食物有戒心，反映出關東人比較注重私隱同距離感，兩地文化真係差天共地！
資深網民教路一招支持良心司機下次去大阪必做
呢個暖心故事令唔少人大受感動，更有資深網民即刻教路，話下次如果喺日本遇到呢類咁有heart嘅良心司機，千祈唔好怕醜，一定要主動問佢攞返張卡片！咁樣做，下次再到訪大阪時，就可以直接打電話指名預約佢架車。呢個方法除咗可以支持用心服務嘅司機，等佢哋多啲生意之外，亦可以確保自己嘅旅程更加愉快，絕對係一個雙贏嘅做法，各位準備去大阪嘅朋友仔記得袋穩呢個貼士啦！
最新的日本入境要求詳情？
在入境日本前，建議先用Visit Japan Web完成一部分檢疫手續，便能更快速地入境日本，即睇使用教學，例如註冊步驟及同行家人如何填寫等，以及買定日本電話卡。
大阪有什麼好去處及景點推介？
大阪自由行必去這些景點，當中包括USJ大阪環球影城，即睇USJ門票及交通攻略。然而，去旅行怎可忽視美食部分？必到這些人氣美食餐廳，當中更有蟹宴放題、平價米芝蓮餐廳之選。另外，不得不到溫泉旅館/按摩店、溫泉主題樂園、全新門真大型三井Outlet商場及臨空城OUTLET。準備到日本賞櫻花的大家，可預先一看日本櫻花花期預測。
