日本麥當勞×寶可夢史上最大聯乘 福袋設「鐵規」背後原因令人唏噓

490円歎15塊雞塊連寶可夢限定包裝盒

7月15日起至8月11日，日本麥當勞將推出15塊麥克雞塊限時優惠，原價740日圓劈至490日圓，足足平咗250円！包裝盒更印有初代御三家妙蛙種子、小火龍及傑尼龜，皮卡丘則霸佔盒頂C位，數量有限送完即止。同場加映兩款全新限定醬料——「起司咖哩醬」及「旨鹽大蒜醬」，可隨套餐附送或以50日圓單獨加購。代言人堺雅人更化身「Mr Tokuninarudo」拍攝廣告，以雞塊氣球飛天的畫面極具話題性。

網民對福袋抽籤制反應兩極有人歡喜有人愁

消息一出，大批網民即時洗版討論！福袋售價3,900日圓，內含皮卡丘薯條計時器、變色杯、收納袋，加上總值3,910日圓餐飲券，等於周邊商品全部免費送。每10個福袋更隨機附贈一張500日圓金卡，抽中猶如中獎. 不過最令人關注的是，今次採用App抽籤制，7月10日下午2點已開放申請，7月20日截止，中籤者方可於7月27日至8月2日到指定門市購買，而且每人限購一個。網民紛紛表示「終於唔使同炒賣黨搶」，但亦有人大呻「抽唔中就乜都無」，氣氛相當熾熱。

睽違六年Pokémon GO全店連動再現江湖

最令機迷振奮的，莫過於日本麥當勞與《Pokémon GO》睽違六年再度合作！由7月20日至9月1日，全日本麥當勞門市將化身遊戲內補給站（PokéStops），配合《Pokémon GO》10週年紀念，規模覆蓋全線分店。至於餘下兩大謎底——聯乘漢堡將於7月16日揭曉，快樂兒童餐則要等到7月31日才公佈。回想過去寶可夢快樂兒童餐曾引發炒賣黨大量掃貨、將不要的食物棄置門外的亂象，今次官方設下每人限購一個的規定，明顯是汲取教訓，務求讓真正粉絲都能入手心頭好。