彩虹邨漫畫店7月底熄燈 7萬本藏書2蚊清貨 網民憶童年租書噩夢

10間分店剩返1間捱足19年終敵不過現實

“漫畫世界”老闆經營漫畫店超過30年，全盛時期旗下多達10間分店遍佈各區，但隨住電子書普及、網上免費睇漫畫成為主流，加上香港租金高企，分店逐間逐間消失，最後只剩彩虹邨金碧樓地下一間獨撐大局。店內收藏約7萬本小說及漫畫，種類繁多，陪伴過無數街坊度過青春歲月. 老闆其實早於2025年因彩虹邨重建計劃已萌生結業念頭，當時獲房屋署指示可租至2028年，惟最終仍決定今年7月劃上句號，並於社交平台發文宣布結業，同時推出最低2蚊起、買4送1蝕本價清貨。

網民集體湧現懷緬租書年代回憶逼爆留言區

消息曝光後，大批網民替老店不值，紛紛留言感嘆實體漫畫店已買少見少。有人直言”實體漫畫真係好難做”，亦有人慨嘆”香港係咪無晒租漫畫既實體店”。更多網民被勾起兒時回憶，有人坦言”間中發惡夢，到半夜發現唔記得還漫畫”，亦有人憶述”細個成日租咗漫畫，就返學喺櫃桶靜雞雞睇”，甚至有人分享”翻到黎俾老闆娘罰咗五舊水之後再都冇去”，字裡行間盡是對租書年代又愛又恨的集體回憶，留言區一度被洗版。

街坊想買都無位擺揭示實體書收藏困局

不過即使清貨價再平，不少網民坦言心有餘而力不足。有人無奈表示”要點收藏呢堆實體書又一件事”、”屋企無地方放”、”我都鍾意實體書，奈何真係唔夠位擺”，道出香港人居住空間狹窄的現實. 網民分析指，土地及租金問題令漫畫cafe等實體閱讀空間難以生存，即使以每小時計只收幾十蚊一位，成本效益依然極低，加上電子書及免費網上平台夾擊，實體漫畫店幾乎已無生存空間。彩虹邨”漫畫世界”將於7月底正式告別，帶走的不職是7萬本藏書，更是一整代人的青春印記。