離婚前疑另結新歡！夫妻反目出動重型機器 昔日愛巢下場超震撼

傳女方未辦妥離婚已允他人求婚 關係惡化寧願一拍兩散

據當地傳媒報導，呢對位於印尼中爪哇省的夫妻，間屋係兩人婚後共同財產，辛辛苦苦打拼多年先儲到。最初由女方提出離婚，雙方本來仲有共識，打算將間屋留俾仔女。點知畫風一轉，有傳聞指女方喺法律程序都未搞掂之際，已經靜靜雞應承咗另一個男人嘅求婚，令雙方關係急轉直下，最終協議將愛巢夷為平地，一拍兩散！

拆屋影片網上瘋傳引發熱議 大批民眾現場直擊心寒一幕

事件曝光後，拆屋過程的影片隨即在網上瘋傳！從影片可見，一部黃色挖土機毫不留情地將橙色房屋逐忽逐忽拆毀，屋頂、牆壁瞬間倒塌，變成一地瓦礫。心寒嘅係，拆屋現場竟然有大批民眾圍觀，齊齊「食花生」直擊呢個昔日愛巢被毀滅嘅一刻，場面就好似睇戲咁誇張，難怪會引發網上廣泛關注。

結局揭曉原來屬共同決定 貴重財物獲准拆卸前搬走

正當大家以為係單方面嘅報復行動，當地村長就出面證實，其實拆屋係夫妻二人嘅「共同決定」。雖然關係破裂，但雙方喺拆屋前都保持理性，協議容許業主先將屋內所有貴重物品，例如門、窗、屋瓦同木材等先行搬走，確保個人財物冇損失。換言之，今次拆屋行動係喺雙方同意下進行，只係唔要間屋，都唔想益到對方。