近日網絡瘋傳一段影片，主角竟是一名年僅5歲的女童！片中她打出虎虎生威的「鶴形拳」，眼神凌厲，氣勢完全唔似一個幼稚園學生，震撼畫面令全城熱議。據悉，呢位「功夫神童」原來大有來頭，自3歲起已接受地獄式訓練，每日練功數小時，週末更長達8小時，究竟背後係熱血傳承，定係虎爸式操練？

揭每日狂操8小時驚人真相

呢位爆紅嘅5歲女童名叫黃子君，來自廣東茂名。佢嘅爸爸黃文城原來係一位「90後」嘅省級非物質文化遺產「茂南洪拳」傳承人。事主大呻，女兒每日放學後要訓練2至3小時，週末更會加碼到6至8小時，強度絕對唔係玩玩下！黃爸爸透露，女兒3歲就開始習武，目前正積極備戰，目標係5月舉行嘅廣東省武術精英大賽，難怪訓練如此克苦！

網民心痛洗版質疑係咪虎爸

事件曝光後，隨即引發大批網民洗版式討論！有影片影到，黃子君曾因長時間扎馬步而累到雙腿顫抖、更一度流下眼淚，畫面令唔少網民大呼心痛，質疑爸爸係咪「虎爸」，為咗傳承而剝削女兒嘅童年。不過，更多網民就力撐小妹妹毅力驚人，大讚「未來武打巨星」、「眼神有火，好犀利！」、「睇到佢受傷都話冇事，真係好感動」，認為佢對武術嘅熱愛同堅持值得欣賞。

女童含淚回應瘀傷真相竟係咁

面對外界嘅種種揣測，爸爸黃文城就回應，拍片嘅初衷只係為咗記錄同傳承洪拳文化，並非刻意打造網絡紅人。佢又提到，女兒雖然會因高難度動作而周身瘀傷，但每次都堅強表示「沒事」，毅力遠超同齡小朋友。至於未來發展，爸爸強調會尊重女兒嘅個人意願。而黃子君本人亦冇理會網絡熱度，繼續專心練功，用行動證明自己對武術嘅熱誠！