搭飛機千萬別手多多！資深空姐爆20年辛酸史 慘遭乘客鹹豬手：只想聽到你聲音

20年資深空姐血淚控訴！被乘客當服務鐘狂戳 甚至慘遭鹹豬手捏臀

一位有成20年飛行經驗的資深空服員蒙提茲（Michelle Montez）在節目中大爆行業辛酸，直言被乘客觸碰身體已經成為常態，「如果無發生，反而算係罕見」。同場的空少福伊（Darion Foy）更慘，大呻自己曾多次被乘客「鹹豬手」偷襲捏臀部，情況令人極度不適！事件誇張到有同事頂唔順，要自行佩戴「請勿觸碰」的布章返工，提醒乘客保持距離。另一位空服員亦比喻：「你大概唔會走入一間餐廳，然後走去篤個侍應掛？」，直斥呢種行為極唔尊重。

工會主席拆解乘客失控原因！狹窄機艙竟將空服員當成一件傢俬

事件曝光後，引起廣泛討論。美國空服人員工會主席尼爾森（Sara Nelson）就分析，呢種情況可能同機艙環境有關。由於乘客同機組人員長時間共處於狹窄空間，加上旅程脫離咗日常生活節奏，有啲人嘅行為模式可能會受影響，甚至潛意識將空服員視為「機艙設備嘅一部分」，做出平時根本唔會做嘅失禮行為。佢哋強調，空服員嘅首要職責係保障飛行安全，而唔係任人觸碰嘅服務員。

空服員教路3大正確方法！溫柔呼喚好過亂按服務鈴同亂摸

其實想搵空服員幫手，根本唔需要動手動腳。工會代表威爾金斯就教路，最理想嘅方式就係直接開口講出你需要啲咩，其次亦可以揮手示意。雖然佢哋唔鼓勵乘客為咗小事（例如拎杯水）就狂撳服務鈴，但如果遇到醫療急症等緊急情況，就應該立即使用呼叫鈴。空少博伊德最後更溫情呼籲：「你唔使掂我，都可以得到你想要嘅嘢，我只想聽到你甜美嘅聲音」，希望乘客能用口代替手，互相尊重。