收養流浪動物絕對是一件充滿愛心的事，但有時小動物長大後嘅驚人轉變，真係會嚇你一跳！巴西一位好心女事主，某日喺家門前發現一個膠袋，裡面竟然裝住3隻被遺棄嘅初生幼犬，其中一隻黑色小狗更只有巴掌咁大，睇落非常虛弱。事主於心不忍，決定收養呢隻小黑狗，點知幾個月後嘅發展完全超出佢想像！
好心收養巴掌大黑狗估唔到幾個月後神反轉
事主Marina Livery憶述，當日佢見到小黑狗Athena又細隻又驚青，即時決定要俾佢一個家。起初，佢以為Athena長大後都只會係普通中小型犬，點知呢個諗法完全係大錯特錯！短短幾個月，Athena竟然「暴風式成長」，體型直線暴增，變成一隻超巨型大狗，毛髮同外貌都同當初判若兩「狗」，令事主驚訝到O晒嘴，忍唔住大呻：「當初嘅小傢伙竟然變成巨獸了！」
巨獸外表下竟藏著溫柔的巨人靈魂
雖然Athena嘅體型變得非常驚人，但佢嘅性格就同兇猛嘅外表形成極大反差！事主大讚，Athena雖然活潑好動，但對人非常溫柔，仲特別鍾意撒嬌，完全係一隻「溫柔的巨人」。諗返起當初佢只係一隻喺膠袋入面嚇到全身發抖嘅小可憐，到而家變成一隻自信又親人嘅巨犬，呢個轉變真係令人意想不到。
事主又驚又喜感嘆孩子真的長大了
面對呢個「美麗的誤會」，事主Marina Livery表示又驚又喜。由一隻巴掌大嘅虛弱幼犬，到而家變成一隻健康快樂嘅「巨獸」，成個過程都令佢充滿驚喜。佢形容，睇住Athena一路成長，就好似睇住自己個仔大個一樣，令佢深深感受到「孩子真的長大了」嗰種感動，呢段人狗奇緣真係好溫暖人心！
