人妻嫌老公搵得少！瞞住全家做「神秘兼職」年賺$5萬港紙！背後交易曝光

香港地生活壓力大，日本原來都唔例外！最近日本媒體就報導一單人妻為幫補家計，被逼瞞住老公仔女，發展「神秘副業」嘅新聞，引起極大迴響。呢位化名悠美嘅40歲全職家庭主婦，大呻老公份糧根本唔夠用，但又唔准佢出外工作，喺經濟壓力爆煲之下，佢竟然諗到一個極具爭議性嘅方法，輕鬆年賺100萬日圓（約5萬港元），究竟係咩兼職咁好賺？

老公唔准返工家用又唔夠！人妻被逼出絕招每套底褲賣$500

原來悠美嘅「神秘副業」，就係出售自己著過嘅二手內衣褲！據報，佢有個喺大學時期經交友網站識落嘅熟客仔A，對方願意用每套1萬日圓（約500港元）嘅高價收購。悠美心諗，反正啲舊衫舊褲都唔會再著，而家可以變現幫補家計，簡直係「相當划算」，於是爽快答應。佢平均每1至2個月先「開一次工」，每次大約用3個鐘，一年就輕鬆賺到約100萬日圓（約5萬港元）！

獨食難肥介紹朋友齊齊賺！再拍私密片每條賣$500

悠美發現呢條財路之後，更將「商機」擴大，介紹身邊同樣有經濟壓力嘅女性朋友入行，實行有錢齊齊賺！佢每成功介紹一個朋友，就可以袋走1萬日圓（約500港元）介紹費；朋友每成功賣出一套內衣，佢仲可以再抽2000日圓（約100港元）佣金，生意愈做愈大！誇張嘅係，悠美就算結咗婚、甚至懷孕之後都冇停過，更應熟客要求，戴住口罩拍個人生活甚至係私密影片，每段片可以賣到5000至1萬日圓（約250至500港元）！