打工仔做到悶，個個都想將興趣變成事業，但又有幾多人真正成功？英國一位51歲金融界女強人，喺職場打滾超過20年，竟然毅然決定「轉行」，靠住一門意想不到嘅手藝做副業，每星期只係接3、4單job，月入竟然高達$32,000港紙，收入仲要拍得住份正職！究竟係咩神級副業咁好賺，可以令一個金融女王都為之驚訝？

疫情母親離世人生巨變決心將興趣變事業

現年51歲嘅奧斯本（Melanie Osborne）喺倫敦金融界打拼超過20年，事業有成，但內心真正嘅熱情其實係園藝。2020年疫情爆發，WFH令佢有更多時間打理花園。直到2023年，佢媽媽不幸離世，加上仔女長大搬走，人生踏入新階段嘅佢開始反思，決定唔再浪費時間，要將自己最愛嘅園藝發展成一盤生意，正式喺接案平台註冊，踏出副業第一步！

每周只做3單生意竟全家總動員出動幫手

事件曝光後，唔少人都好奇佢點樣做到。原來奧斯本只係利用正職以外嘅時間，每星期接大約3至4宗園藝委託，服務範圍最遠去到倫敦一個鐘車程嘅地區。估唔到一開始就訂單接到手軟，遇到比較大型嘅花園改造項目，佢甚至要搵埋伴侶同仔女一齊幫拖，全家上下齊心合力完成工作，將興趣變成家庭活動，真係羨煞旁人！

揭秘月賺3萬2秘訣收入直逼正職震驚全家

最令人震驚嘅係，呢份睇落輕鬆嘅副業，竟然為奧斯本帶嚟每月約3,000英鎊（約3.2萬港元）嘅豐厚收入！佢自己都笑言，呢筆錢幾乎追得上佢份金融正職嘅月薪，完全改變咗佢對工作嘅睇法。因為呢筆額外收入，家庭儲蓄明顯增加，連一家人去旅行嘅預算都更加充裕，可以升級去更豪嘅地方，真正實現Work-life balance！