日本星巴克新品｜夏日限定菠蘿特飲登場！全國僅30間分店有售想飲都難？

去日本旅行，不少人的指定動作都是要去當地的Starbucks朝聖，試試香港飲唔到的限定特飲！如果你正計劃去日本，今次又有新目標了！日本星巴克宣布即將推出一款超夢幻的夏日限定飲品，不過想飲都唔係咁易，因為全日本只有極少數分店有得賣，想去打卡就要mark實地址喇！

日本星巴克殘酷限定全國僅30間分店先飲到

原來今次推出限定飲品的分店，是星巴克在日本獨家經營的「Tea & Café」茶飲專門店，全日本只有30間！今個夏天，這批分店將以「Urban Oasis」為主題，推出兩款以全新茶葉「Pineapple Kona Pop」為基底的特飲。這款新茶葉混合了菠蘿、蘋果、玫瑰花和萬壽菊，果香與花香交織，聽見都覺得好Fresh！

菠蘿椰子沙冰茶飄浮登場 950円一杯似足甜品勁奢華

兩款新品中最矚目的，絕對是「菠蘿椰子沙冰茶飄浮」（菠蘿椰子フローズンティーフロート），盛惠950円一杯！飲品層次感十足，底層是菠蘿果肉果凍和香橙果醬，中間是「Pineapple Kona Pop」茶底沙冰混合椰子忌廉，面頭再鋪上雲呢拿雪糕和椰子脆片，似足一杯芭菲甜品，打卡一流！另一款則是「手沖冰搖菠蘿Kona Pop茶」（クラフトアイスティーパイナップルコナポップ），每杯都由店員新鮮沖泡再急速冷卻，保證菠蘿風味夠晒突出，售價為640円。