位於菲律賓中部阿卡蘭省Aklan 的長灘島,曾經擊敗馬爾代夫,被國際知名的英國BMW旅遊雜誌評選為世界最美沙灘。在響負盛名底下,當地的消費當然被一浪接一浪的遊客推得愈來愈高,不過貴有貴玩,平有平玩,想慳錢唔係無辦法!就等資深背包客教你點樣洗最少錢玩盡長灘島啦!

 

點樣平食醫肚?

講到食,好多人都會即時諗起Station2的Dmall,果度有齊中、西、日、韓、西餐,仲有海景附送,但求其食一餐都要300peso起跳(約$53),都幾唔噤計!

其實在Station1的尾端,有當地的早餐店,一個漢堡加蛋先35peso (約$6)。而由Dmall去Bulabong Beach的路上都有好多當地餐廳,一肉一飯只係40peso (約$7) ,唔夠飽可以再加一碗35peso的Batchoy,加埋都係75peso (約$13) ,夠平,夠Local,最緊要夠飽肚!好過食埋啲無特色的西餐!點樣平玩到盡?

嚟到長灘島,梗係要玩水上活動啦!識玩一定玩Island Hopping,無理由到海島都唔浮潛睇下千奇百趣的海底生物!如果有潛水牌可以潛水的話,就更加pecfect池!

包船玩的話,最平可以講價講到1500peso (約$260) 包4小時船,仲有野飲同埋海釣。但最抵玩就梗係跟團,全程6小時800peso (約$140),仲包 lunch buffet,認真抵到爛!跟團的另一個好處就係可以識多?新朋友,人多好玩啲嘛!

(圖片來源:Panoramio)唔玩水上活動的話仲可以選擇在島上hea下,由Station2走到Bulabong beach往左拐,爬十幾甘分鐘到長灘島最高峰Mt Luho,比120peso的入場費到觀景台,就可以俯瞰360度的長灘島。對於平時行慣山路的背包客嚟講,條山路只係a piece of cake!但如果想輕鬆一點的話,都可以選擇搭tuk tuk,或者再奢華一點可以租架ATV上山。平住民宿推薦?

長灘島的住宿通常分兩種,一係交通方便的Station2,二係貴價海景view的Station1。但原來而家在Station1有好多平價的靚民宿,結合左傳統同現代風格,非常有Local特色。

今次介紹的民宿Bamboobanana,就係座落在Station1,民宿走出去就係白雪雪的沙灘,而且都只係$196一晚,在長灘島嚟講都算抵,唯一的缺點就係離Dmall有啲距離,大約要行十幾分鐘,但附近有好多好平又Local的餐廳,就算半夜肚餓都有得醫肚。