【文華東方酒店Staycation】臨近暑假,香港文華東方酒店大搞魔法主題Staycation,住客可以食足兩餐並獲贈大量禮物,更可以齊齊學隱形、煮魔藥,更可以買到一系列哈利波特主題精品,真係畀少少想像力就可以置身在霍格華茲內!

撰文:CY|圖片來源:香港文華東方酒店

文華東方酒店推魔法主題住宿 扮哈利波特學隱形煮魔藥 食足兩餐人均$1,000起

忽然搞魔法主題住宿體驗咁得意?原來香港文華東方酒店聯乘Museum CONTEXT推出「魔法歷奇住宿計劃」,塑造出「魔法學院」的氣氛,等住客可以在這座充滿歷史氣息、美輪美奐的「古堡」入面,盡情「學習魔法」!

香港文華東方酒店大玩魔法主題,真係畀少少想像力就可以置身在霍格華茲內!(圖片來源:香港文華東方酒店)
香港文華東方酒店大玩魔法主題,真係畀少少想像力就可以置身在霍格華茲內!(圖片來源:香港文華東方酒店)

無啦啦學魔法咁搞鬼?皆因爲酒店設計了好多活動,其中包括「魔法照相館」、「魔法烙印」,以及「魔法隱形體驗」,住客可以穿上魔法斗篷,就可以在鏡頭面前隱身,單望成果其實都相當似模似樣,就好似變身成為哈利波特!

4歲至12歲的小朋友,仲可以額外參加千日里推出的「兒童魔法特飲製作班」,親自烹調神秘飲品,希望......石內卜教授不在場啦!(圖片來源:香港文華東方酒店)
4歲至12歲的小朋友,仲可以額外參加千日里推出的「兒童魔法特飲製作班」,親自烹調神秘飲品,希望……石內卜教授不在場啦!(圖片來源:香港文華東方酒店)

另外今次文華東方酒店更聯乘Museum CONTEXT,大搞哈利波特主題Pop-up Store,入面售賣好多《哈利波特》精品,各位麻瓜又怎麼可以錯過呢?

住客可以在酒店大堂的魔法郵箱投寄主題明信片,真係好有意思!(圖片來源:香港文華東方酒店)
住客可以在酒店大堂的魔法郵箱投寄主題明信片,真係好有意思!(圖片來源:香港文華東方酒店)

透過今次「魔法歷奇住宿計劃」入住酒店,住客將包括三道菜雙人晚餐套餐、成人雙人早餐,並免費獲贈主題明信片及Museum CONTEXT兩張$100金禮券。

入住海景客房、文華閣客房或套房仲會有神秘禮物!(圖片來源:香港文華東方酒店)
入住海景客房、文華閣客房或套房仲會有神秘禮物!(圖片來源:香港文華東方酒店)

香港文華東方酒店「魔法歷奇住宿計劃」由即日起至6月25日開放預訂,適用入住日期至8月15日,定價由$2,000起。如果選擇入住海景客房、文華閣客房或套房,更將額外獲贈由Museum Context送出的神秘禮物,真係相當令人期待!

(圖片來源:香港文華東方酒店)
(圖片來源:香港文華東方酒店)

「魔法歷奇住宿計劃」