【酒店禁忌】不少人住酒店都會避開尾房,認為走廊盡頭易聚陰氣,容易遇上「污糟嘢」!而最近ViuTV節目《晚吹 – 總有一瓣喺左近》分享了3宗高靈人士酒店靈異個案,其中兩宗發生在泰國酒店的靈異事件,竟然都與房號有關!想Staycation避開容易撞鬼的房間,就要留意以下提到的3個最邪房間數字!

撰文:AY|資料及圖片來源:ViuTV《 晚吹 – 總有一瓣喺左近》

酒店禁忌|3位高靈人士分享酒店靈異經歷 教你避開最邪房間號碼!(圖片來源:unsplash@mbaumi)
酒店禁忌|3位高靈人士分享酒店靈異經歷,教你避開最邪房間號碼!(圖片來源:[email protected]

高靈人士分享 酒店靈異經歷
1. 蒙古酒店遇上發怒靈體

酒店禁忌|3位高靈人士分享酒店靈異經歷 教你避開最邪房間號碼!
酒店禁忌|3宗高靈人士酒店靈異個案,教你避開3個最邪房間數字!

ViuTV節目《晚吹 – 總有一瓣喺左近》最新一集以「高靈人士外地遇到的靈異經歷」為主題,邀請了對靈界有敏感體質的高靈人士 Irene分享在蒙古住酒店的靈異經歷,她指:「嗰次我跟隨旅行團,到達後進入酒店房間,已經感覺到有靈體。但因為都係返酒店瞓幾粒鐘,就冇打算換房,而且一直以嚟,我覺得佢哋先係長駐,我只係過客,所以冇打算換房。」

Irene表示,自己應對靈體的方式是裝作看不到,不要騷擾它們。Irene再憶述:「其實我一瞓落張床已經知道靈體去了放行李的位置,並在該位置聽到有很多類似鑽螺絲的聲音,但自己冇理,繼續睡覺。」但是瞓醒後發現行李變了形,發現行李的主要支架突然爆了,當下她驚愕:「點解咁powerful?因我以往經驗,佢哋最多都係畀啲聲音你聽到,或者揖揖揚揚畀你知佢哋喺度,冇諗到咁堅硬嘅支架都被佢整爆。」主持人問她這次是否入住尾房,她表示,其實傳說中陰氣重的尾房與靈異事件未必有太大關係。

她對靈界比較敏感,小時候和弟妹坐的士,在不可能有人的迴旋處,一齊見到血肉模糊的婆婆;全家短頭髮,地板卻經常有長髮,夜晚聽到姐姐哭訴聲,原來該單位之前有個女生,因未婚懷孕跳樓自殺。
酒店禁忌|高靈人士 Irene對靈界比較敏感,小時候和弟妹坐的士,在不可能有人的迴旋處,一齊見到血肉模糊的婆婆;全家短頭髮,地板卻經常有長髮,夜晚聽到姐姐哭訴聲,原來該單位之前有個女生,因未婚懷孕而跳樓自殺。

高靈人士分享 酒店靈異經歷
2. 學法人士 酒店遇奇怪靈體

主持人潘紹聰分享了一位高靈兼學法人士的酒店靈異經歷:「佢本身有學法,有次佢去咗泰國一間五星酒店,佢去咗好多次,咁嗰次派鎖匙畀佢,房號係4個『2』,佢覺得唔對路,但認為自己學法可以搞得掂就照入房,然後開門入去,突然間有一道好強嘅黑影,佢感覺唔係人咁簡單,有少少古怪,感覺有角、奇形怪狀,佢就即刻唸經,之後照樣咁瞓,一瞓嘅時候,佢話真係有成嚿嘢壓上身,然後佢睇到有啲角、古怪嘅弓杖之類,唔係普通靈體咁簡單,佢再諗清楚,原來係酒店門口嘅守護神。」潘紹聰指,泰國通常都有這類的像:「佢回想,其實呢嚿嘢應該係守護呢間酒店,但唔知點解會周圍走,然後一入門口就衝撞了,然後佢又立即唸經,令靈體覺得被挑戰,所以晚上去搞佢。」

高靈人士分享 酒店靈異經歷
3. 泰國酒店 夜晚聽到鬼打牆聲

主持人潘紹聰分享另一個案,這位朋友入住的房間號碼是「1502」,事件同樣發生在泰國,他指:「佢一入到去都係覺得好唔舒服,覺得好大壓迫感,突然夜晚傳出手抓玻璃嘅聲音,仲要不停發出,忍咗一陣,隔籬發出『嘭!嘭!嘭!』的聲音,似係用頭撼落牆的聲音,覺得唔掂,即刻走咗出去。」潘紹聰指事主走出房間後,發現隔籬間1503號房冇燈,發覺唔妥,便立即換酒店走人。

(圖片來源:unsplash@montylov)
酒店禁忌|3宗高靈人士酒店靈異個案,教你避開3個最邪房間數字!(圖片來源:[email protected]

主持人潘紹聰指,那些「2」、「5」、「0」的房間大家要小心,因以上不吉利的事情剛好發生在這些房號。