石澳龍脊半山近日出現疑似龍爪巨型木雕,掌心有符號,行山人士路過攝下大歎煞風景,九唔搭八之餘,又嘥錢。網民留言相當啜核,有人話「紀念周星馳揸波龍爪手」,又有指似外星建築用來「接收火星天線」,不過最恐怖莫過於話疑似龍爪似風水陣,整個白骨爪用來壓制香港!

延伸閱讀:龍脊行山路線7大必知事項| 路線、難度、交通資訊 、靚景打卡位一次過睇


撰文:CY|圖片授權:[email protected] Sye

龍脊驚現龍爪木雕 網民轟似風水陣 漁護署終於回應

【8日19時更新】漁護自然護理署(漁護署)隨後回應事件,詼諧表示「大家唔使估啦,佢係用颱風倒塌樹木建造嘅組裝擺設」,間接承認這隻引起網民熱烈討論的龍爪木雕的確由漁護署放置。漁護署文中亦承認錯誤,表示今次擺設屬於實驗性質,最終發現「因為同附近嘅自然環境唔夾,所以已經拆除」,並指「因為我地知道,龍脊嘅靚景先係賣點」。

不過網民對漁護處詼諧回應並不買帳,大鬧這次「試驗」浪費公帑,話:「用木樁整多幾張木櫈畀人坐下仲好啦!」

貼文用「金翅拜拜鳥」做結尾,文筆相當詼諧!(圖片來源:Facebook@郊野公園教育活動計劃)
帖文用「金翅拜拜鳥」做結尾,文筆相當詼諧!(圖片來源:[email protected]郊野公園教育活動計劃)

【8日16時更新】本地多間媒體今日(8日)跟進報道,綜合報道內容,今日下午有數名工人前往移除「龍脊龍爪」,擺放時長僅3日。由於「龍脊龍爪」並冇標示及介紹,因此未能得悉該木雕的來歷。

(點擊圖片向左拉動看相片)

山友攝下龍脊龍爪 大鬧九唔搭八煞風景

近日有行山人士途徑石澳龍脊半山,見到多了一個貌似龍爪的大型木雕,大歎煞風景,九唔搭八之餘,又嘥錢,隨即分享到facebook群組讓一班網民齊齊討論。

該名行山人士感到相當不滿,仲於貼文喊話:「可唔可以拆走佢!」(圖片來源:Facebook群組@香港行山遠足之友(吹水山谷))
該名行山人士感到相當不滿,仲於帖文喊話:「可唔可以拆走佢?」(圖片來源:facebook群組@香港行山遠足之友(吹水山谷))

網民懼是風水陣:搞壞香港風水

見到網民留言真係「百感交集」,有網民諗起周星馳,話木雕用來「紀念周星馳揸波龍爪手」,又有人話用來「接收火星天線」,不過較多人認為似風水陣,用來搞壞香港風水。

(圖片來源:Facebook群組@香港行山遠足之友(吹水山谷))
一出post就有網民留言話「紀念周星馳揸波龍爪手」。(圖片來源:facebook群組@香港行山遠足之友(吹水山谷))

(圖片來源:Facebook群組@香港行山遠足之友(吹水山谷))
有網民話似周星馳「揸波龍爪手」,結果個個都跟口叫巨型木雕做「龍爪手」。(圖片來源:facebook群組@香港行山遠足之友(吹水山谷))

(圖片來源:Facebook群組@香港行山遠足之友(吹水山谷))
網民有好多不同的揣測,不過較普遍都認為似風水陣,用來壓制香港,「連條龍都反埋肚」、「死雞撐飯蓋」。(圖片來源:facebook群組@香港行山遠足之友(吹水山谷))

(圖片來源:Facebook群組@香港行山遠足之友(吹水山谷))
不過與其話風水陣,都有不少網民將焦點落在究竟是政府帶頭建造木雕,還是如青大石澗石棺櫈一樣,屬於私人違法行為。(圖片來源:facebook群組@香港行山遠足之友(吹水山谷))

網民猜測似層層 有根有據、細思極恐

雖然有人話風水之說不能完全作準,不過網民都講得相當似層層,簡直細思極恐。編輯精選部分網民留言,大家又覺得有冇道理呢?

一隻鬼爪從龍脊穿出,龍脈應聲而斷,大凶之兆。

明顯破壞風水嘅嘢啦!反肚……維港毒蛇陣……靈龜落山……

條龍都反埋肚,隻龜都俾蛇攻擊緊,隻蛋好快不保了。

風水局,撳住龍背,等條龍跳唔起。

龍有五爪,三爪未必是龍,可能是香港保護神大鵬金翅鳥的爪。

龍反肚、哀爪求;國之敗象,香港被牽扯其中,何其不幸。

網民提及心經簡林:其實都係毒蛇陣

其實不止這個「龍脊龍爪」,有網民更在留言再次提起鳳凰嶺心經簡林,指「昂坪心經簡林,釘住鳳凰條頸」,此說更獲風水師力證。更有網民估計香港處處都有風水陣、毒蛇陣,目的就是要「搞死香港」,不過孰是孰非就無從得知了。