【西貢營地】一大班朋友其實可以試下去西貢賽馬會西貢戶外訓練營,猶如複式臨海度假屋,一般人都可以預約,像設備齊全的度假屋,可以玩歷奇、玩水,仲有攀石、浮潛、直立板瑜伽等活動(預訂前宜先查詢官方該時段有甚麼活動可以報名參加),ViuTV綜藝節目《膠戰》第二季亦於大網仔營地拍攝呢!

延伸閱讀:7間香港度假屋Staycation推介 長洲打卡獨立屋+離島獨立屋 最平$130晚 全部都超靚


撰文:KA|編輯:RA|圖片來源:新傳媒資料室、賽馬會西貢戶外訓練營

大棚人去宿營!2/8/12/28人客房

西貢有個面海的宿營,除了可以讓機構作訓練營,還可以讓公眾預訂作度假屋之用,營地裡有不少設施,例如泳池、攀石場、獨木舟、浮潛等活動,而且不時還有期間限定的活動,有草地面海露營(還可以租借營具)、直立板瑜伽等。預訂前可以先查詢官方,該時段會有甚麼活動,再決定是否預訂和報名參加。

營地介紹

一大棚人去宿營,最緊要當然係間房!由  2 個人去到 28 個人一齊住嘅房型都有,不過由於現在限聚令關係,1間房最多4人同住,如超過4人要分開訂單,如希望安排相鄰營屋或有其他需要協助可在備註提及,職員會盡量協助(不代表必定能安排)。

當中每間房都設有獨立洗手間以及電視,大部分客房都向海,景色優美,睡房採用碌架床設計,確實有當年中學一齊去 camp 嘅感覺!不過要留意,所有房型男女均不可同房,家庭不在此限。

【賽馬會西貢戶外訓練營】28人房間為複式房間,落地大玻璃感覺開揚。圖片來源:賽馬會西貢戶外訓練營
【賽馬會西貢戶外訓練營】28人房間為複式房間,落地大玻璃感覺開揚。(圖片來源:賽馬會西貢戶外訓練營)

如果遇上好天氣兼有流星雨的日子,在較少光污染的西貢夜空,當然能夠好好觀賞!最誇張一個鐘可看到4-5粒,入營時,記住夾好流星雨日期。營舍偶爾會舉行露營活動,如果可以喺有流星雨嘅日子再舉辦就好了!編輯曾經都去過這個營地,天朗氣清時,真的可以看到很多星星,相信是因為光害較少,所以看得到,也沒想過原來在香港也能看到漫天星星的景象。

【賽馬會西貢戶外訓練營】以一小時睇到4-5粒流星雨嚟講,數量不少呢!圖片來源:賽馬會西貢戶外訓練營
【賽馬會西貢戶外訓練營】以一小時睇到4-5粒流星雨嚟講,數量不少呢!(圖片來源:賽馬會西貢戶外訓練營)

動靜皆宜!浮潛/獨木舟/SUP/整意粉

去得訓練營,當然唔係舒舒服服匿埋喺房過一日。營舍設有多種歷奇活動,由戶外攀石到高空游繩都有,甚至行山都會有專人輔助。

鍾意玩水,亦可以參加獨木舟浮潛活動(每位$250),探索香港後花園西貢的海底世界;另有 SUP 直立板瑜伽體驗,限時開班!或者想靜態一點?各種訓練巧手的煮食班就適合大人細路一齊參加。

所有活動都額外收費,而且有人數下限,報名前要多加留意。

 

 

入營食咩好!團餐/BBQ/海鮮餐

以往去親宿營,對每日早午晚三餐的團餐印象都未必太好,雖然賽馬會西貢戶外訓練營同樣有提供團餐(12位起訂,價格參考),但想特別一點,可選燒烤BBQ餐或者海鮮餐,唔使再同劣食惡鬥。

BBQ餐分4款選擇,最貴一位$98,包中蝦、雞翼、魷魚、豬扒等等,唔夠食可另加食物,不過,就不能自攜外來食物入內,而BBQ一爐最多坐12人。

海鮮餐同樣以12位一枱訂,最貴盛惠$4,888的海鮮餐有椒鹽鮑魚、翡翠炒龍躉球等(查看菜單)。所有食物須於入營前14日預訂。

賽馬會西貢戶外訓練營

  • 地址:西貢大網仔路DD256地段
  • 電話:+852-2792-2727
  • 交通方式:

從西貢市巴士總站,乘94號巴士於「西貢戶外訓練營」站下車;從西貢市小巴總站乘7號或9號綠色專線小巴,先知會司機於「大網仔青協」有落

預訂方式:預訂網站

網站 / facebook

 

收費:

  •  2人客房:$310起(註冊非牟利團體)、$400起(私人/工商機構)
  •  8人客房(兩間4人睡房、客廳):$640起(註冊非牟利團體)、$800起(私人/工商機構)
  •  12人標準客房(兩間6人睡房、客廳):$960起(註冊非牟利團體)、$1,200起(私人/工商機構)
  •  12人特選客房(一間12人睡房、客廳):$1,200起(註冊非牟利團體)、$1,440起(私人/工商機構)
  • 28 人複式客房(一間12人睡房、兩間8人睡房、客廳):$2,800起(註冊非牟利團體)、$3,360起(私人/工商機構)
  •  日營(9:00am-4:00pm):$25起(註冊非牟利團體)、$35起(私人/工商機構)
  •  黃昏營(2:00pm-9:00pm):$25起(註冊非牟利團體)、$35起(私人/工商機構)

常見問題

1.營地設有停車場嗎?收費是多少?
賽馬會西貢戶外訓練營設有停車場,不設預約,先到先得,私家車時租為 $20,24 小時收費為 $160。

2.營舍內設有冷氣嗎?
營舍內冷氣於每年5月至10月期間3:30pm至翌日8:00am免費開放,如需在其他時間開放冷氣,須另加費用:8及12人客房每晚$150,2人客房每晚$50,複式及特選客房冷氣全年䦕放。

3.入營時間及離營時間是?
入營時間為每日3:00pm至翌日1:00pm,而房間鎖匙借還時間為入營日3:30pm至離營日11:30am。

4.營舍內可吸煙嗎?

賽馬會西貢戶外訓練營為無煙營地,任何人士均嚴禁吸煙或手持燃點之香煙。