認識港女的朋友,都知我一向情歸韓國男神ssss。去首爾都只係為了偶遇男神,尋找他們留過腳毛的地方!但想確保一定有得見到男神,就可以考慮首爾最近推出的旅遊平台「One More Trip」!有得訂埋門票,直接殺入電視台SBS,睇音樂節目《 The Show 》錄影,包保100%見到oppa呀!

冇諗過咁近!第一次與oppa接觸

音樂節目《The Show》每個星期二錄影,每次都有不少韓星表演宣傳。雖然在網上都可以自行訂票,不過經平台訂就包成功,而且毋須登記做會員,又可以信用卡找數,與官網價錢相若,港女膽粗粗決定試一次!

這款門票其實並不包括交通,當日港女自行出發去SBS Prism Tower,搵到舉住牌的導遊取票!就可以攞住工作證進入錄影廳,仲有位坐,距離舞台仲要好近!雖然事前不會公布出席的明星名單,但計好偶像的宣傳期,遇到偶像的機會都好高!我當日見到的嘉賓有B1A4,最可惜現場冇得影相啦!這個門票只要HK$652,博一個與男神相遇的機會,這口價睇場騷絕對超值!

3萬蚊做星夢

平日見到的旅遊套票,都係景點觀光、傳統文化體驗、滑雪一日團等等,太過普通?港女check過「One More Trip」除了有得睇音樂節目,仲有不同有趣的韓流體驗團。其中一個是7日練習生課程,包埋化妝、跳舞連住宿翻譯,睇落幾得意,不過見到索價要US$4,200/HK$32,572,這個韓星夢好貴啊!

官方營辦!安全有保證!

近年網上旅遊購票平台愈開愈多,港女遊韓國都試過用「XXDAY」、「XLOOK」訂購一日團,去南怡島、小王子村。雖然一直冇咩出事,但都聽過有網友呻訂票不成功,退款手續又有排等的情況。「One More Trip」由首爾政府官方聯同多間當地經驗證的旅行社共同經營,遇事都有得追究。港女比較過,經「One More Trip」訂的價錢較市面其他平台貴10-20%,但勝在有保障。

Info
$652入SBS睇偶像
已包:入場門券
日期:逢星期二(錄影時間為6:30pm-9:15pm)
備註:1人成行;實際以美元(US$84)收費
查詢: www.onemoretrip.net

常見問題

最新的韓國入境要求詳情?

韓國宣布即日起至2月底,所有來自香港及澳門航班必須使用仁川國際機場降落, 即睇:韓國入境最新要求限制。在入境日本前,建議也可買定韓國電話卡,部分更有通話功能,以及選定心儀酒店

韓國首爾有什麼好玩推薦?

首爾美食多籮籮,即睇美食推介,而醬油蟹絕對是其中一樣必食美食;一人旅遊到首爾不知到哪覓食?大可到訪首爾可以一個人用餐的人氣獨食餐廳。玩樂方面,滑雪是不可錯過的活動,5大滑雪場適合新手一日遊,亦可到樂天世界大玩遊樂設施及韓服體驗。另外,也可用幾日時間到釜山玩返轉,即睇首爾去釜山交通懶人包。準備到首爾賞櫻花的大家,可預先一看首爾櫻花預測及賞櫻地點推介