冬天是海鮮當造季節,去得韓國,當然要食埋當地一流的海鮮鍋!韓國大部分的海鮮鍋都用生猛海鮮,以即場滾熟的方式嚟煮,全部都非常新鮮,一般在韓國以外的地方都食唔到呢類型海鮮鍋。首爾雖然唔近海,但都有非常多的海鮮鍋餐廳,即睇編輯部精選不同價位的首爾海鮮鍋!

文:Kassidy |圖:Fion

首爾 海鮮鍋 唔使去鷺梁津市場

一般人去首爾食海鮮,都會揀去鷺梁津市場即揀即煮,但時有聽聞鷺梁津劏遊客,所以直接去餐廳食海鮮鍋最好不過,明碼實價,唔怕被人呃!韓國海鮮鍋一般都有分大、中、小三個尺寸,除番開每人百幾蚊就埋到單,超抵食!

食海鮮除了去鷺梁津之外,其實還有其他選擇!
食海鮮除了去鷺梁津之外,其實還有其他選擇!

#01|30cm 人氣海鮮鍋 팔팔해물탕

港幣500蚊,竟然食到一盤30cm長的海鮮鍋。食勻原隻加拿大龍蝦、4隻韓國鮑魚、生猛八爪魚,眼前的海鮮被活生生滾熟非常嚇人,但這才是100%新鮮的海鮮鍋。鍋內海鮮數之不盡,食完的海鮮殼夠放滿兩個小垃圾桶。

海鮮鍋有非常多的材料,多到滿瀉!大海鮮鍋 - ₩75,000/HK5
海鮮鍋有非常多的材料,多到滿瀉!大海鮮鍋 – ₩75,000/HK$525

鮑魚上枱時仲識郁!
鮑魚上枱時仲識郁!

原隻龍蝦新鮮上枱!

以為韓國海鮮鍋一定辣到 要瘋狂灌水就大錯特錯,八八海鮮鍋旨在與別不同,湯底帶有蝦鮮味,比一般海鮮鍋較著重海鮮的原有味道,而非一味用辣醬掩蓋鮮味。重點是來自加拿大的龍蝦由水缸撈出,再放上鍋不過5分鐘時間;龍蝦肉嫩滑易入口,趁成隻龍蝦熟透,但仍未全隻浸在湯底前就要動筷,確保食到龍蝦最新鮮的味道!另外只數貝殼類都有六、七款,還有原隻大蟹。

龍蝦在水缸時仍然非常生猛。
龍蝦在水缸時仍然非常生猛。

大大隻龍蝦來自加拿大,肉質鮮嫩。
大大隻龍蝦來自加拿大,肉質鮮嫩。

貼心服務 老闆親自拆殼

在所有海鮮熟透之前,老闆都會在鍋前揮動剪刀,將所有海鮮拆殼、分件,一夾上手就可以即刻放入口,貼心!

帥氣老闆會親自拆殼,令客人食得更方便。
帥氣老闆會親自拆殼,令客人食得更方便。

連蟹都會分件,鍾意食蟹腳的人就唔使自己動手拆!
連蟹都會分件,鍾意食蟹腳的人就唔使自己動手拆!

海鮮湯底炒飯 讚口不絕

每枱客人食完海鮮鍋之後,都會點一個炒飯,當然唔會執輸叫埋一份。老闆就會即刻從吃剩的海鮮湯底裡舀出一勺湯,然後加到炒飯裡,灑一點紫菜,再用鐵板呈上,非常入味!

必點:海鮮鍋底炒飯 - ₩3,000/HK
必點:海鮮鍋底炒飯 – ₩3,000/HK$21

店舖在小巷內,但不難搵!
店舖在小巷內,但不難搵!

팔팔해물탕(八八海鮮鍋)
地址:首爾銅雀區汝矣大方路22街14-3(顯示地圖)
電話:+82-(0)2-817-2789
營業時間:11:30am-10:30pm,星期日休息
交通:地鐵7號線「 波拉梅 」站2號出口,步行約5分鐘

#02|地膽先識去 人均$100海鮮鍋 100 년의 꿈 제주해물탕

店舖遠在江東非遊客區,中午繁忙時間只有韓國本地人,這裡打正旗號賣濟州出產的海鮮,煮法跟足當地製法。足料、新鮮,是海鮮鍋的基本:招牌海鮮鍋有齊扇貝、鮑魚、蟹、蝦、蜆等十多種海產,阿珠媽會將每個海鮮鍋都砌得非常四正,令每位食客開火前都要打個卡先!

一大鍋海鮮,足足夠6個人食,只賣 ₩90,000/HK0。
一大鍋海鮮,足足夠6個人食,只賣 ₩90,000/HK$630。

煮滾咗成煲都係橙紅色,好辣啊!
煮滾咗成煲都係橙紅色,好辣啊!

勁辣湯底 超生猛八爪魚

九成海鮮在上枱時仍然非常生猛,八爪魚仲不停想爬出嚟。滾約10分鐘,湯底變成橙紅色,齋聞嗰陣辣醬味湧上鼻,店內阿珠媽會幫每位食客先盛一碗海鮮湯,不嗜辣就敬請say no。

八爪魚一直想爬出鍋外,但⋯⋯非常殘忍地煮熟了。
八爪魚一直想爬出鍋外,但⋯⋯非常殘忍地煮熟了。

鍋內連扇貝都有,輕易回本。
鍋內連扇貝都有,輕易回本。

狂?鮑魚 除開每人$100

最貴一鍋HK$630,6個人食綽綽有餘,而且配餐有焗鮑魚,加上鍋內接近有10隻韓國鮑魚超豐富。由明洞坐地鐵去約45分鐘,建議午飯時間前往,食完再去江南區行街!

配菜竟然有鮑魚,抵食!
配菜竟然有鮑魚,抵食!

餐廳走韓式路線,只有少量座位,唔使除鞋可以坐。
餐廳走韓式路線,只有少量座位,唔使除鞋可以坐。

100 년의 꿈 제주해물탕(100年的夢 濟州海鮮鍋)
地址:首爾江東區千戶大路1226(顯示地圖
電話:+82-(0)2-488-0956
營業時間:11:30am-10:00pm
交通:地鐵5號線「 吉洞 」站3號出口,步行約13分鐘

#03|最抵食! 芫荽控首選 밀리네해물탕

有時喺梨大行完街,發現附近冇咩好食?其實同樣在梨大站,韓衣一條街的對岸有非常多的餐廳!特別有一間人頭湧湧、非常隱蔽的海鮮鍋餐廳,食得嘅都係韓國人,而且超抵食,$400就可以食到7-8款海鮮!

海鮮沒有以上兩間咁多,但勝在最抵食!
海鮮沒有以上兩間咁多,但勝在最抵食!

餐廳除了海鮮鍋以外,還有大蟹鍋。
餐廳除了海鮮鍋以外,還有大蟹鍋。

4人分量 唔使$100食得飽

呢間主打最抵食,所以龍蝦等貴食材就比較少見。不過,鍋內同樣有鮑魚、蝦、蟹、蜆、八爪魚等等,4個人食一鍋「大」海鮮鍋都一定夠飽!配菜極多,也有很少在韓國配菜中出現的柚子味沙律。

墊底的有芽菜,也有烏冬等麵食。
墊底的有芽菜,也有烏冬等麵食。

芫荽控不能錯過

海鮮鍋上枱時會有一大堆芫荽在海鮮鍋上,芫荽控一定會無比興奮!韓文的芫荽叫作「파슬리」(讀音:pa-sul-ri),如果不想要芫荽,記住要同阿珠媽講定!

芫荽控一定要去食呢個海鮮鍋!
芫荽控一定要去食呢個海鮮鍋!

堆到成座山咁高!
堆到成座山咁高!

밀리네해물탕
地址:首爾麻浦區大興路30街18-5(顯示地圖
電話:+82-(0)2-719-5113
營業時間:11:00am-11:00pm
交通:地鐵2號線「 梨大 」站5號出口,步行約3分鐘

下一頁:首爾 韓牛! 平食 1++頂級韓牛|$130 無限食 馬場洞以外 3 大選擇

首爾平食生猛海鮮鍋|每人0勁食龍蝦、鮑魚!