首爾買衫 地方又豈止明洞、東大門,還有一個周末都零遊客、只有韓國年輕人的購物區-誠信女大購物區!誠信女大位於惠化附近,有非常多平價韓衣店之餘,亦有不同化妝品牌進駐,附近也有戲院等設施,食買玩完全冇問題!

周末零大媽 年輕人至愛


全個購物區最多就是韓國年輕人,連30、40歲的韓國中女也絕無僅有!大學購物區特色:價錢平、款式多、趕潮流,掃平貨最佳, 一條大街全是藥妝、boutiques,這邊絕對是個新選擇!

最平$6! 首爾買 廉價韓衣 |無遊客!離東大門4個站 誠信女大購物區
周末雖然冇大媽,但真的非常多人啊!

食買玩 全部都有齊!

誠信女大最受歡迎的大街,除了有非常多的平價衫舖,在橫街內也有超多食店,如烤肉、炸豬扒等。地鐵站一出就是戲院兼大型購物中心。如果有時間,在這邊花半天也算不錯!

除了平衫,誠信女大也有超多化妝品店!

誠信女大站1號出口就有 CGV 影院加超大連鎖平衫店舖 SPAO。

低至 ₩900/HK$6? 超多韓國人搶購!

曾經有當地博客提及過在誠信女大有最平₩900/HK$6的衣服,記者到達當日雖然未見,但逢周末的大特價的確吸引了不少韓國年輕人搶購,每間店舖都擠得水洩不通!

周末的誠信女大非常多人,最好挑選平日前往!

推介01|4seasons

4seasons的舖位不顯眼,因為店舖位於地庫一層!裡頭有超多款式選擇,即使是連身裙也只是 10,000!而且4seasons 有大量姊妹裝選擇,韓妹們一買完就可即刻著出街變閨密裝!

門口只放少量款式,真正要挑選一定要落樓下!

呢對韓國閨密就在4seasons內買衫,買完連tag都未除就即刻著!

粉紅色花花連身裙₩10,000/HK$69

粉紅色背心上衣 ₩10,000/HK$69

白色工人裙 ₩10,000/HK$69

男人都有選擇!大量平價男裝

以為韓國係女人平衫天下?大錯特錯!首爾平衫店內都有不少男裝,而 4seasons 內更有一大塊區域專屬男裝,等女朋友時,就唔怕等到悶啦!

男生們怕等女友等到天荒地老?唔使怕!男仔同樣有選擇。

款式以 tee 及恤衫為主,而且顏色較香港見到的花巧。

推介02|THE GIRL

THE GIRL 位於誠信女大購物區的入口轉角處,門外有大量平兼靚款衫,不論是上衣還是裙款,通通₩5,000/HK$34起!當然店舖內的款式定價就比較高,但在門外也能找到不少好貨!

THE GIRL 位於轉角位,門外有超多平衫!

短褲 ₩12,000/HK$83

門外有非常多已配搭好的平衫!

白色 tee,₩5,000/HK$34

推介03|OY street

門口只有少量靚款平衫,但牛仔短褲每條只賣₩10,000/HK$69,超級抵買!而且逢周末更會大特價,放出一大堆平衫任你選;店內也有不少靚衫,但價錢較貴。

哇,超多人,擠進去都非常困難,特別是周末特價時段!

短版背心 ₩5,000/HK$34

相關閱讀首爾 誠信女大購物區 | 只需900won就買到休閒韓裝的 OY street x dodo

地鐵4號線 鄰近惠化

誠信女大購物區正正位於地鐵4號線的「誠信女大入口」站,一般旅客較少經過,可能要特地過去買平衫!但購物區離地鐵站只有2分鐘路程,附近也有惠化地鐵站,在惠化影完相再去誠信女大買平衫!

認住呢個地標,對著誠信女大購物街!

1 號出口直走 30 秒就到~

地址:韓國首爾城北區三仙洞東小門路22街
交通:地鐵4號線「誠信女大入口」站1號出口,走約2分鐘

買韓國平衫必知7件事!

韓國平衫雖然超級抵買,買多幾件唔肉痛,但畀得錢當然不想買到劣質貨!記者遊走韓國多年,在 首爾買 平衫數目數之不盡,這次綜合7件在韓國買平衫時必定要留意的事!

喺韓國買衫必定要知道以下7件事!

#01|冇標價?一定要講價!

雖然在平價韓衣店內的平衫大部分已經標好價錢,但有部分服裝店都沒有為商品標上價錢!往往對遊客是一個價錢,對本地人又是另一個較便宜的價錢。如果想以較平價入手心儀商品,可以試試講價!記者試過由₩28,000講價至₩18,000!足足平了$70。

大部分的韓國鞋店都冇標價,謹記要殺價!

#02|架上已經是新衫?

在香港買衫,往往都會問一遍店員是否新衫,放在架上又怕被人試過、瘋狂摸過。在韓國大部分平衫舖,即使問店員會否有新衫,他們都會答你「架上已經是新的,都是舊的賣走再放上去」。當然,有部分店舖會願意在櫃內再找一件新衫給客人。

即使店員說是新衫,但最好也是洗了才穿著!

#03|行多幾間再比價

最怕在A店買完B店再見到,但在首爾這件事是十分常見。首爾平衫店內的衣服大多是長青款,所以十家有八家都有類似款式,不妨多走幾家再比價,免得見到更平的同款而不高興啊!

韓國平衫款式雖然多,但重複的機會也很高,不妨多走幾間看看。

#04|90%的tee都是one size!

韓國平衫的tee款大部分都只有一個尺碼,裙、褲款反而有機會有S、M、L 三個碼數。但韓國的tee大部分走寬鬆路線,身形比較大的女生都可以穿得下!但要注意,韓國平價服裝大部分只能試穿裙、褲款,上身的tee就比較難試身了!

韓國平衫只有一個尺碼,身形較肥胖就比較難買到了!

#05|睇清楚 made in …

雖然記者攞上手的都是 made in Korea,但亦有讀者提到平衫購物區內的衣服有些是 made in China。唔想在購物區買到淘寶貨,謹記看清楚標籤寫的是 made in Korea 還是 made in China!

標籤上大部分都會寫出產地,去得韓國,當然要買番made in Korea!

#06|不能退換、退錢

韓國的平衫店舖一律寫明購買後無法退貨、退錢,所以在付款前,一定要檢查清楚衣服有否破損,不然購買後發現有損毀就口同鼻拗。

買衫時謹記要事前 check 清楚衣服有否破損 !

#07|現金正價 信用卡有手續費

因為韓國人大部分都會選擇用卡付款,所以平衫店舖會因為信用卡/扣帳卡付款而多收一定手續費。因此,旅客如果有足夠現金就謹記要付現金,不然就會蝕了手續費!

價錢標示的均為現金價,如果要用信用卡付款會多收 3-5%手續費!

相關閱讀:記者實測! 韓國 EMS 寄行李 教學|唔識韓文都得 + 最快 1 日到港