不少朋友仔去首爾,都一定去LOTTE MART、E-MART等掃貨,其中公仔麵更是必買 首爾手信 排名的三甲之一,事關韓國人愛食公仔麵,款式超級多!但係茫茫麵海中,又唔識睇韓文,連最基本的辣同唔辣都分唔到,點先可以揀到大熱又好味的公仔麵呢?近日韓國網民選出7款必食推介,個個食過都話好好味,所以睇完呢張list,買公仔麵做手信時,就唔怕被朋友藐!

01| PALDO틈새라면(地獄麻辣夾縫公仔麵)

韓國人出名鍾意食辣,呢款PALDO的「틈새라면」(地獄麻辣王公仔麵)就係韓國網民票選最愛食的公仔麵!不過辣度爆燈,見到超紅湯底已經嚇親,入口一秒已感到勁麻辣,而且久久不會散去,所以唔食辣的朋友仔千祈咪試!有網友話食時由嘴辣到落胃,夜晚喺廁所玩足幾個鐘,買一包做手信,同朋友齊齊試味都幾開心呀!

11

02| 하바네로라면(哈瓦那辣椒海鮮)

這款公仔麵的湯底以海鮮為主,辛辣味雖然勁,但唔會搶去海鮮的風味,尤其麵條夠粗,食落有咬口,又少了陣油炸味!不過辣味依然強勁,味道帶少少酸,跟泰式冬陰功有點類似,最喜歡辣味很快就會消散,食完出一身汗勁爽快!

DSC01870

03|오뚜기 열(不倒翁熱公仔麵)

韓國人冬天最愛食,因為顧名思義,食完真係會成身汗熱辣辣!不過這款公仔麵主打辛辣味,湯底非常濃但沒有其他味道,愛食辣的朋友仔當然會喜歡,但不食辣的人只會覺得是「辣椒油+公仔麵」!

P5191667_view

04|불닭볶음면(火雞拌麵)

如果你喜歡食撈麵多過湯麵,呢款火雞拌麵絕對會是你的心水!公仔麵有芝麻紫菜調味包及辣醬包,因為沒有熱湯減淡辣味,所以食時真係會食到嘴腫!網友推介呢款公仔麵,因為食法多變化,推介一定要加芝士食,配上芝麻紫菜實在非常夾;用這款公仔麵煮部隊鍋亦非常好,因為麵條即使煮耐咗亦不會太腍!

삼양_불닭볶음면_2560_1305_1118

05|공화춘 삼선짬뽕 컵라면 (共和春杯麵)

共和春是在仁川唐人街非常出名的炸醬麵店,而這款杯麵雖然亦有炸醬款,但網友一致推介辛辣款,因為麵條粗又有咬口,湯底不失鮮甜海鮮味,網友個個都話食完麵一定要飲湯,又熱又辣食到出晒汗好過癮!

IMG_2943

06|홍석천 라면(洪石千公仔麵)

年輕人最愛在GS25買的公仔麵!由藝人洪石千在綜藝節目《Happy Together夜間賣場》中介紹過的一款自製宵夜,因為太受歡迎,網民個個都話想食,所以就推出公仔麵款。要留意!只係在GS25便利店先有得買!

f0423067_5430b38f0debf

07| PALDO 비빔면(PALDO拌麵)

呢款公仔麵亦是要用撈麵的食法,麵條較幼而辣醬超級多,入口帶微甜,所以唔食得辣的朋友仔只要少落辣醬都一樣食到!韓國網友仲教路,夏天時可加冰粒急凍麵條,之後先再加辣醬、青瓜、雞蛋絲等等,味道會更豐富又消暑!

2014071300647_0