在香港,睇K-pop明星勁風光,令港人對「韓國人」都有非一般的憧憬,以為去旅行都會好似韓劇般被人好好招呼以禮對待!好可惜,今日A君要大力打破大家的幻想,作為1年去首爾X次的韓國線旅遊記者,平日做嘢被韓國人黑面真係太常見,但最討厭一定係搭 首爾地鐵 ,因為經常遇到無理對待!唔係叫大家唔好搭地鐵,始終去旅行當然要靠大眾交通工具,不過最好做足心理準備,尤其遇上霸道老人家、大叔大媽時就記得要避避啊!

01| 霸道老人家 不讓座就是罪


「關愛座是老人家專屬」似乎已成為全球地鐵的潛規則,在香港即使病到七彩都唔敢坐,不過在首爾情況其實仲嚴重!

部分老人家(真係唔可以以偏概全)真係覺得所有座位都應該以長者為先,早前更有新聞話有位大佬懷疑坐低的孕婦「扮大肚」,更出拳打孕婦個肚話要「驗一驗」,最後要報警了事,實在好誇張!A君自己亦遇到個大媽無理挑機,突然用韓文大罵唔讓位,但係明明關愛座冇人坐,而且附近車廂明明有空位……嗰一刻真係好無奈,最慘係旁邊人人都繼續做低頭族,最後為了息事寧人,惟有起身,自此一事,A君去首爾做嘢寧願畀貴少少都會搭的士!

htm_2013090916402111601161
同香港情況一樣,除了老人家,年輕人即使唔舒服都唔敢坐關愛座!

formerseatlogo
韓國年輕人都話關愛座並唔係優先座,而係老人家的專用座位。

02| 背包黨低頭族 完全唔理人

如果老人家是霸道,年輕人一定係超自私!我明白有時一個人搭地鐵唔想被騷擾,低頭玩電話同戴耳機聽歌真係人之常情,但可唔可以留意下路面情況?韓國背包黨低頭族一旦進入手機世界,就會完全唔理其他人,撞到人唔道歉,背包阻路又唔讓位,最誇張係用「咩啊!你阻住我打機」的鄙視眼神回應你,嗰一下真係好想發火啊!

A君就試個被高踭鞋一下踩落新波鞋,痛到眼淚都飛咗兩滴出嚟,正當我想睇睇係邊個攻擊我時,嗰位女士竟然在檢查自己對鞋個踭有冇爛,然後黑面再頭也不回走咗去,實在勁冇禮貌!

IE002010231_STD
背包黨阻到人但完全唔會讓路!

03 | 夜晚搭車要小心 醉酒漢色狼出沒

韓國人鍾意飲酒,所以一到夜晚,地鐵真係有好多醉酒漢出沒,尤其係地鐵2、3及4號線,夜晚8點就會開始有一身酒氣、滿臉通紅的大叔出現,有好多人都只係宿醉坐在車站附近,但有小部分會左搖右擺衝入車廂搞事,A君就曾經見過一個大叔趁醉瞓落旁邊的女仔膊頭,嚇到佢即刻起身兼落車!有網友亦試過遇到發酒瘋的大叔,上車後就不停大嗌,令全部人都無奈要退避,所以大家遇到呢類情況,記得要快快離開,唔好同醉酒人士有眼神接觸!

img_20110425115039_8996e456
好多韓國網友都話,在首爾地鐵見到醉酒漢在車廂瞓覺,真係好平常!

151706274
夜晚女仔真係要小心,一唔留神瞓咗好容易引來色狼!

04 | 轉車轉線 超級唔方便

以上幾個原因都只係個別例子,講真,真係唔會成日遇到,A君現實啲,同大家講一個好多人都試過的情況,就係轉錯車!首爾地鐵其實好方便,因為好多線又四通八達,不過真係好易落錯車轉錯線!最多朋友仔試過一定係落錯車/入錯閘,發現要去對面但原來是單方向月台,最後要靠職員幫手先過到去,好麻煩!

又或者係在車站內有幾條地鐵線,但攞住行李行咗十幾分鐘都搵唔到閘口,嗰一刻真係好崩潰!最慘係首爾不少地鐵站都只有上樓的電梯,落樓就要行樓梯,攞住行李時真係超級辛苦,所以好多網友都話:「攞住行李,寧願搭巴士進出機場都唔會考慮地鐵!」