為咗突顯自己跟得上時代,金正恩上位後大興土木,起咗好多外國人估都估唔到嘅「基建」,包括平壤東部嘅文綉水上樂園(Munsu Water Park)。又滑水梯又盛,分晒室內室外版,真係歡樂天地一樣?喺大台嘅節目入面出鏡唔夠兩分鐘,關於呢個水上樂園,原來有好多騎呢傳聞!

01.夏日到訪臭到冤?


樂園開咗唔夠兩年,據講因為電力不足唔夠力每日換水,加上唔少訪客非常奔放咁喺水中放尿,夏日到訪臊味熏天,去玩嘅人越來越少。(不過親身去過嘅洪永城就話無尿味喎⋯⋯)Munsu Water Park

02.開幕巡視玩權鬥
日本傳媒曾經引述消息人士報道,2013年中金正恩陪同夫人李雪主出席水上樂園開幕儀式時,突然下令三名年老幹部,從園內十米高台跳入泳池!仲好招積咁話:「就算係老幹部,都要照着我的說話做」,顯示自己的權力。

Munsu Water Park0

03.旱情臨頭優先泵水
2014年尾,北韓旱情持續,水力發電站無供水發電,明明天氣已經轉涼無人落場嬉水,但有傳當局為顧全領導金正恩面子,竟將珍貴食水優先供應給水上樂園,置人民生死於不顧!

Kim Jong-un visits water park construction site

04.落水前有個口訣(好似係)
水上樂園於2013年10月15日開幕,據報開幕當日人山人海,市民玩得好開心又感恩,個個都大叫「朝鮮勞動黨萬歲」,盡顯金正恩的感激之情⋯⋯

Munsu Water Park5

05.門口有個複製人
樂園並無吉祥物,不過走入門口,就有一座金正日雕像;有外國訪客表示睇見嚇到個心離一離,前領導人條腿仲不合比例地生得好長。Munsu Water Park

06.玩水訪客都有靚女
唔知係演員定官方家眷,總之水上樂園入面都會見到唔少女士,三點式就好少見,不過一件頭泳裝款式都幾多變化,堪稱係指極權國度嘅彩虹。Munsu Water Park7

Munsu Water ParkSpectators watch people use The Munsu Water Park in Pyongyang in this undated photo released by North Korea's KCNA