凌晨機往返 仁川機場 的班次愈來愈多,旅客往往一早到達,卻未有公共交通工具出機場,回程清晨機又冇通宵巴士直入機場,過夜往往是慳家旅人的選擇。其實首爾仁川機場有不少便利凌晨機旅客的過夜設施,現一次過公開仁川機場最齊全攻略!窮遊韓國必讀!

 仁川機場過夜 安睡設施一覽!


大部分首爾往返香港的凌晨航班,都需要在機場逗留數小時才可以離開,有數個小時又想睡覺。不熟悉仁川機場不要緊,立即記低以下瞓機場要點!

韓國仁川機場過夜 13 項設施全攻略!首爾凌晨機窮遊指南
去到機場又未夠鐘,就要開始搵地方休息下!

#01|超人氣 SPA ON AIR

位於仁川機場B1層的SPA ON AIR今年3月完成裝修重開,依舊人氣爆燈。SPA ON AIR其實是汗蒸幕,有洗澡、休息的空間,夜晚入住位₩20,000/約HK$140;怕身水身汗可以先在這邊沖個涼,亦有提供單人房,但要提早到達!如果撞正旺季,記者12點到已經冇位,所以想使用的遊客,就要提早到機場。

 

韓國仁川機場過夜 13 項設施全攻略!首爾凌晨機窮遊指南
晚上就會放滿行李,11:00pm左右就會滿座,手快有手慢冇!

SPA ON AIR
地址:仁川機場大廳B1

#02|最舒適 膠囊酒店

膠囊酒店「閣樓.休」於17年1月開幕,提供4種房型(單人房、雙人房、含衛浴等等),需要使用的旅客要到網頁預約,避免沒有房間入住!過夜價格由₩56,000/約HK$392起,雖然不便宜,但可以唞足精神去玩!

解構韓國 仁川機場過夜 設施全攻略!| 首爾凌晨機 窮遊指南
今年新開,設施乾淨簡潔,入住旅客謹記要預約!

房間內最多只有企缸,未有馬桶。(圖片來源:DARAKHYU 官網)

房間簡潔明亮。(圖片來源:DARAKHYU 官網)

地點位於仁川機場交通中心的1樓。(圖片來源:DARAKHYU 官網)

閣樓.休
地址:仁川國際機場交通中心一樓
網址:www.walkerhill.com/darakhyu/hub/en/

#03|窮遊極致 免費長櫈

一蚊都唔想畀,剩係想捱過幾個鐘出去玩,強烈建議慳家旅客可以瞓長櫈。仁川機場不論出境還是入境層都有不少木製長櫈,出境層更有部分鋪好軟墊(只有十餘張),要瞓機場謹記要帶多件外套!長櫈附近更有充電位置。

解構韓國 仁川機場過夜 設施全攻略!| 首爾凌晨機 窮遊指南
除了成個機場都有的長櫈,這個位置都有座椅,位於 4/F 未入禁區的位置!

#04|難搵但疏乎 按摩椅(限出境禁區旅客)

仁川機場有提供按摩椅,但全部都在禁區內!所以只有離境旅客才可以用得到這項設施,而且位置不容易找到!只有在閘口 43 和離境東西大堂有提供,而且只有極少按摩椅,要用的旅客可能要提早 check-in 入禁區!

解構韓國 仁川機場過夜 設施全攻略!| 首爾凌晨機 窮遊指南
禁區內會有較舒服的長櫈。

仁川機場過夜 凌晨機有涼沖好輕鬆!

凌晨機最怕就係冇涼沖,第二日要臭住返香港或者臭住出去玩。但仁川機場的沖涼設施只在禁區內有,凌晨機的旅客就只能夠去 SPA ON AIR 沖涼。

解構韓國 仁川機場過夜 設施全攻略!| 首爾凌晨機 窮遊指南
凌晨機另一大挑戰,就係要忍住臭味唔沖涼一晚!

#05|免費洗澡設施(限禁區旅客)

只有禁區內有免費沖涼設施,而且時間是7:00am-10:00pm,凌晨機旅客就不能使用了。這項設施為轉機旅客而準備,當然離境旅客也可以使用,位置在 gate 20 及 gate 40 附近,只要出示登機證即可!

Shower room 位於 gate 20/40 附近。

仁川機場 其他便利設施!

仁川機場除了有不少方便凌晨機旅客的設施之外,還有不少供旅客使用的便利設施。雖然未必個個用得著,但勝在不少人總有機會早到機場而用到!

仁川機場其實收收埋埋不少有用設施,急忙旅客未必能發現到!

#06|免費上網 café

突然間去到機場想用打印機又或者上網,可以使用1/F的上網 café;禁區內都有上網 café,但營業時間由8:00am-10:00pm,並不是24小時!雖然可以用電腦免費上網,但用到打印機就要付費了。

Internet Café 有提供多部電腦讓遊人使用!自備電腦都用得著。

位於 2 樓的 Internet Café 也只適合非凌晨機旅客。

#07|免費穿梭車

穿梭車就只限由機鐵搭到入境層,一般人較少乘搭,但其實這項服務是免費的!如果提著太多行李又見到以下這輛車,可以一直坐到入境層!咁就可以唔使推住行李橫越兩個航廈。

其實這類車是免費乘搭,大部分人都不知道,下次有太多行李可以乘搭。

一般在機鐵站出入口就能夠找到。

#08|$0!幫你包行李

打包行李是仁川機場的新服務,位於機鐵站內,機器用保鮮紙打包成個行李,以防在運送過程中弄濕行李。如果有非常多免稅品的旅客就不宜打包了,因為有機會需要拆開來讓海關人員檢查。

呢部打包行李機就只在機鐵站付費地區,而且10:00am開始才能用!

#09|郵局、藥房通通都有

去到機場最怕冇郵局寄最後的明信片,郵局營業時間是9:00am-4:00pm,想寄明信片就謹記要在市區買定郵票,可以寫好再去機場郵筒寄!在仁川機場作病都不怕,藥房、醫療室都有!如果想美甲、剪頭髮都可以在仁川機場做到。

郵局位於 2/F 中央位置,搭機鐵的旅客們,絕大部分都會經過 !

藥房位於 B1/F。

剪髮、美甲店亦在 B1 層,SPA ON AIR 對面!

機場書局位於 3/F,如果郵局關了門,可以在這邊問問有沒有郵票。

#10|磅定行李先上機

行李磅對一眾廉航旅客都非常重要,皆因超重都會罰錢!仁川機場同樣有貼心服務,提供行李磅在不同的 check-in 櫃枱附近,磅完超重再 pack 行李先 check-in,唔怕罰錢!

磅行李再上機就唔怕超重,而且在不同 check-in 櫃枱附近都有!

#11|行李直送市區/機場

韓國觀光公社合作單位 Safex 提供首爾行李寄送及存放服務,行李寄送服務由₩7,000/約HK$49起跳,由酒店送到機場則要₩14,000/約HK$95。

Safex 櫃枱就在機鐵站內(未付費區域)。

飲食篇!仁川機場過夜 肚餓食咩好?

凌晨落機或上機前肚餓,究竟可以食咩? 仁川機場個 food court並非 24 小時的,所以旅客搭凌晨機想醫肚,可以考慮最方便的便利店又或者快餐店!

Food court 在 B1 層,但營業時間並未有方便到凌晨機旅客。

#12|即刻搵食!CU便利店

不論是出境層還是入境層都有CU便利店,全部都有飲品、零食售賣,入境旅客亦可以在便利店買到電話卡、T-money 等。凌晨機到達,不妨預足時間買電話卡交通卡,離境旅客就在便利店最後衝刺吧!

最簡單的搵食方法,當然就係便利店!在 1/F 跟 3/F 都有!

#13|食韓版漢堡 Lotteria

日本、韓國都有的快餐店 Lotteria,在機場竟然有3 間 24小時分店!分別在入境層B1/F、禁區 gate 119 及 gate 10 附近。Lotteria 的漢堡包款也非常多,可以一戰!

Lotteria 在機場都有 2 間 !(圖片來源:TripAdvisor)

交通篇!唔過夜,直出機場交通教學!

搭得凌晨機,又唔想喺機場等足一晚,都有交通工具往返市區!以下就有 3 大 凌晨仁川機場往返方法,大家以後就唔使在機場呆等,可以出去市區搵嘢玩啦!

去得旅行,梗想爭分奪秒,當然要搭車直接離開!

出機場方法 01|的士

普通的士最多可坐4人,不過放埋行李,隨時迫到爆。如果行李太多、3人以上,建議由酒店安排預約jumbo taxi(要預約),由明洞至機場約需1小時,車程較快。價錢約₩90,000/約HK$623,人均約HK$156。

的士有不同顏色之分,黑色的士收費會較貴。

出機場方法 02|深宵機場巴士(往機場)

首爾站及江南高速巴士客運站開出的通宵巴士。現時巴士班次已經比以往加密,但亦要密切留意時間表,錯過咗就有排等!車程約70分鐘,價錢最抵,一人只要‎₩9,000/約HK$62。

首爾站出發(N6001) 22:55|23:45|00:40|01:35|02:25| 03:20
江南高速巴士客運站(N6000) 22:30|23:20|00:10|01:10|02:00|02:50

搭機場通宵巴士可以直接從市區回到機場。

深夜機場巴士(往市區)

機場巴士又怎會單向前往機場而冇去市區?同樣有前往首爾站以及高速巴士客運站的深宵機場巴士。如果在首爾站附近下車,可以選擇前往「汗蒸幕」度過一晚,或者直情預訂附近酒店!

前往首爾站(N6001) 00:15|01:05|02:00|02:55|03:45|04:40
前往江南高速巴士客運站(N6000) 23:50|00:40|01:30|02:30|03:20|04:10

機場巴士在入境層就能夠找到!

出機場方法 03|預約包車

私人包車價錢較貴,較適合一大班朋友預約。記者經 KKday 搜索,由 HK$431起,視乎人數及車型,最多可坐 7 人;記者亦建議透過駐韓港人blogger Patc 遊走泡菜國 安排,價錢介乎於$648-$798,視乎人數,5/9/12人車都可以安排。

韓國 blogger Patc 都有提供預約包車服務!