【日本喉糖】每次去日本,都必定會去藥妝店買定唔少藥物「看門口」。對於醫治喉嚨痛非常有效果嘅龍角散,必然係其中一樣必買產品!但係怕苦又唔鍾意真係食藥嘅朋友又點算好呢?咁不如試下以下6款日本人都推薦嘅高效用喉糖,特別係時常身處冷氣環境底下嘅你,更要小心保持喉嚨濕潤!

撰文:C|圖片來源:Amazon、相關機構

日本喉糖 6大推薦

1|Kanro 「Voice Care 喉糖」

日本喉糖 Kanro 「Voice Care 喉糖」
Kanro 「Voice Care 喉糖」

由Kanro同日本國立音樂大學共同開發,為重視聲帶健康嘅人所研發出嘅產品,被不少網友稱為市面最強護喉產品。聽取重視喉嚨健康及聲帶狀態嘅音樂大學學生嘅意見後,使用可與蜂膠效用並列嘅7種對喉嚨好嘅香草製成。

日本喉糖 圖片來源:Kanro
圖片來源:Kanro

除咗可以保護喉嚨健康,更可保持口腔濕潤。日本網友指,雖然味道一般般,不過效果有保證。

日本喉糖 圖片來源:Kanro
圖片來源:Kanro

2|第一三共「Ruru 喉糖DX」

日本喉糖 圖片來源:Amazon
圖片來源:Amazon

網友稱,喺喉嚨痛到不得了,但不得不返工時,最推薦嘅喉痛藥就係呢款,喺便利店都能搵得到。而且由感冒衍生出嘅喉嚨痛無法靠感冒藥緩和,呢個時候就推薦大家飲呢款藥,無論係對喉嚨痛定係痰,都非常有效緩解症狀。

日本喉糖 無論係對喉嚨痛定係痰,都非常有效緩解症狀。
無論係對喉嚨痛定係痰,都非常有效緩解症狀。

3|iskra「板藍喉糖」

日本喉糖 圖片來源:iskra
圖片來源:iskra

日本網友指,喺重要嘅日子或旅行前,都會食定一粒打底,喉嚨出狀況時,亦係靠食呢款喉糖。網友更稱已經成為生活必需品,冇咗唔得。一旦開始感到喉嚨不適,就會立即食一粒,普遍情況下,過一段時間就會冇事。

4|Kanro「麥蘆卡蜂蜜喉糖」

日本喉糖 Kanro「麥蘆卡蜂蜜喉糖」
Kanro「麥蘆卡蜂蜜喉糖」

「麥蘆卡蜂蜜喉糖」嘅魅力在於加入咗具有高度殺菌作用嘅「麥蘆卡蜂蜜」及「蜂膠」2種成分,而且蜂蜜本來就對喉嚨好。網友指效果好之餘,甜甜嘅蜂蜜味道好易入口,適合怕苦嘅朋友。

日本喉糖 甜甜嘅蜂蜜味道好易入口,適合怕苦嘅朋友。
甜甜嘅蜂蜜味道好易入口,適合怕苦嘅朋友。

5|龍角散喉糖(清新口味)

日本喉糖 龍角散喉糖(清新口味)
龍角散喉糖(清新口味)

味道不會過甜,如同包裝上所寫嘅一樣,口味偏向清新。網友指,一般嘅龍角散喉糖味道較難聞,果味款式容易入口之餘,效用同一般款式嘅同樣有效,建議怕喉糖味道苦嘅朋友試試其他口味。

日本喉糖 味道不會過甜,如同包裝上所寫嘅一樣,口味偏向清新。
味道不會過甜,如同包裝上所寫嘅一樣,口味偏向清新。

6|UHA味覺糖「邪払喉糖」

日本喉糖 UHA味覺糖「邪払喉糖」
UHA味覺糖「邪払喉糖」

「邪払」係和歌山縣北山村嘅特產,屬於柑橘類嘅一種,被稱為「夢幻果實」嘅其中一種。味道似酸桔仔一樣清新,入口便能感受到一陣初夏般嘅清新,食完後,口中亦殘留有清爽味道。

日本喉糖 「邪払」係和歌山縣北山村嘅特產,屬於柑橘類嘅一種。
「邪払」係和歌山縣北山村嘅特產,屬於柑橘類嘅一種。